Qyzylorda qalasynyń ákimdigi jańa ǵımaratqa kóshti

О́tken juma kúni Qyzylorda oblysynyń ákimi Qyrymbek Kósherbaev qala ákimdiginiń qyzmetkerlerimen, derbes bólim basshylary, kent jáne aýyldyq okrýg ákimderimen kezdesip, jaǵymdy jańalyǵyn jetkizdi. Ol Qyzylorda qalalyq ákimdiginiń jańa ǵımaratqa kóshýi bolatyn. Bul týraly Qyzylorda qalalyq ishki saıasat bóliminiń basshysy Baldyrǵan Mámen habarlady. Oblys ákimdiginiń jańa ǵımaratqa kóshýine baılanysty jarty ǵasyrlyq tarıhy bar oblys ákimdiginiń burynǵy ǵımaratyna qala ákimdigi, qalalyq máslıhat ornalasatyn boldy. Bul ǵımarat óńir turǵyndaryna qatysty talaı mańyzdy sheshimder qabyldanǵan qutty meken. Memlekettik organdardyń ishinde júgi aýyr salanyń biri – qala ákimdigi. Turǵyndardyń kúndelikti tynys-tirshiliginiń qalypty deńgeıde ári úzilissiz júrgizilýi qala ákimdigi men ákimdikke qarasty qurylymdardyń qyzmetine tikeleı baılanysty.  Bul oraıda, oblys ákimi qala ákimdigine udaıy qoldaý kórsetiletinin aıtyp, jańa ǵımaratta abyroıly qyzmet etýge tilek bildirdi. Sonymen, búginnen bastap Qyzylorda qalasynyń ákimdigi jańa ǵımaratqa kóshti. Ámirhan Almaǵanbetov Derekkóz: Qyzylorda qalalyq ishki saıasat bólimi. Foto: www.Wikimapia.org.