Almaty qalalyq polısııa departamenti jol apaty 11 naýryz kúni saǵat 00:10-da bolǵanyn habarlady.
«Lexus RX-300 markaly avtokóliktiń júrgizýshisi О́jet shaǵyn aýdanyndaǵy Súmbil kóshesimen ońtústik baǵytta kele jatyp, kólikti basqara almaı, jeke úıdiń qorshaýyndaǵy konteınerge soǵyldy. Oqıǵa ornynda 2004 jyly týǵan jolaýshy kóz jumdy. Kólik júrgizýshisi men onyń eki jolaýshysy túrli jaraqatpen qalalyq aýrýhanalardyń birine jetkizildi», - dedi Almaty qalasy PD anyqtaý basqarmasynyń bastyǵy polısııa podpolkovnıgi Oljas Sháripov.
Atalǵan fakt QR QK 345-baby 3-bóligi «Abaısyzda adam ólimine ákep soqqan jol júrý qaǵıdalaryn buzý» boıynsha sotqa deıingi tergep-tekserýdiń biryńǵaı tiziliminde tirkeldi. Tıisti saraptama taǵaıyndaldy.
