«Saǵat 12:00-ge ózekti aqparat: aýa raıynyń nasharlaýyna jáne tasjoldardyń jabylýyna baılanysty qala mańyna qatynaıtyn № 310, 315 jáne 317-inshi baǵdarlardyń qozǵalysy ýaqytsha toqtatyldy. Qala mańyna qatynaıtyn basqa baǵdarlar jelide», - delingen City Transportation Systems kompanııasy taratqan habarlamada.
Eske salaıyq, keshe aýa raıy jaǵdaıyna qatysty elorda irgesindegi eldi mekenderge qatynaıtyn № 315 jáne 316-ynshy avtobýstardyń qozǵalysyna ýaqytsha tyıym salynǵan bolatyn.
Sınoptıkter 13 naýryzda Aqmola oblysynyń ońtústik jartysynda jaıaý burqasyn bolatynyn, shyǵystan, soltústik-shyǵystan jel soǵyp, onyń kúshi 15-20 m/s jetetinin eskertken bolatyn.
Nur-Sultan qalasynda, sondaı-aq jaıaý burqasyn, 15-20 m/s ekpinde jel kútiledi.
