Apparattyq keńeste óńir basshysy Jeńis Qasymbek jańa orynbasaryn tanystyrdy. Erbol Álıqulov bul qyzmette Abzal Núkenovtiń ornyna keldi, ol basqa jumysqa aýysýyna baılanysty qyzmetinen bosatylǵan.
«Prezıdent ákimshiliginiń kelisimi boıynsha Álıqulov Erbol Shymkentbaıuly oblys ákiminiń orynbasary bolyp taǵaıyndaldy. Bul qyzmetke taǵaıyndalǵanǵa deıin ol QR Prezıdenti Ákimshiliginiń memlekettik ınspektory laýazymynda Qaraǵandy oblysyn basqardy. О́ńirdiń áleýmettik-ekonomıkalyq damý máselelerimen jaqsy tanys», dedi oblys ákimi.
Orynbasar laýazymynda Erbol Álıqulov bilim berý, mádenıet, sport, jastar saıasaty, tilderdi damytý salalaryna jetekshilik etetin bolady.
Erbol Álıqulov memlekettik qyzmette túrli laýazymda qyzmet atqardy. Almatyda Túrksib jáne Almaly aýdandary ákiminiń orynbasary, Jetisý aýdanynyń ákimi bolǵan. Keıin Almaty qalasy ákimi apparatynyń basshysy, Jumyspen qamtý jáne áleýmettik baǵdarlamalar basqarmasyn basqardy.
Eńbek jáne halyqty áleýmettik qorǵaý mınıstrliginde basshylyq qyzmetterdi atqardy. 2017 jylǵy maýsymnan bastap qazirgi ýaqytqa deıin QR Prezıdenti Ákimshiliginiń memlekettik ınspektory bolyp jumys istegen.
