Aq úı basshysy AQSh Kongresiniń sheshimi arqasynda Ýkraınaǵa baǵyttalǵan áskerı jáne gýmanıtarlyq kómektiń artatynyn málimdedi.
Birqatar amerıkalyq BAQ-tyń habarlaýynsha, Baıden 16 naýryzda Ýkraınaǵa taǵy 1,01 mıllıard dollar kóleminde áskerı kómek bóletinin jarııalamaq. Qoldaý sharasy boıynsha tankke jáne áýe shabýylyna qarsy qarý-jaraq jiberiledi.
Buǵan deıin AQSh basshysy Ýkraınadaǵy jaǵdaıǵa jáne NATO-nyń qorǵanys qabiletin arttyrýǵa arnalǵan Soltústik Atlantıkalyq odaqtyń shuǵyl sammıtine qatysatyny týraly habarlanǵan bolatyn. Is-shara 24 naýryzda uıymnyń Brıýsseldegi shtab-páterinde ótedi.
