Vıse-mınıstrdiń aıtýynsha, búgingi tańda áleýmettik mańyzy bar azyq-túlik taýarlarynyń baǵasyn turaqtandyrý maqsatynda respýblıkalyq jáne óńirlik deńgeılerde sharalar qabyldanýda. Qazir elimizde 1,3 mln tonna azyq-túlik taýarlarynyń qory bar, bul halyqtyń qajettiligin qamtamasyz etý úshin jetkilikti.
Al baǵanyń negizsiz ósýine jáne alypsatarlyqqa jol bermeý úshin respýblıkalyq jáne jergilikti atqarýshy organdar dúkenderdiń saýda ústemesin saqtaýy boıynsha turaqty tekserýler júrgizedi.
«Baǵany turaqtandyrý quraldaryn jetildirý maqsatynda biz jańa tásilderdi ázirleýdemiz. Áleýmettik mańyzy bar taýarlardyń satyp alý kólemin ulǵaıtýmen, úsh baǵyt boıynsha taýarlar bólinisinde azyq-túlik satyp alýdy usynamyz. Birinshi, uzaq merzimdi saqtaý taýarlaryn (kúrish, qant, tuz jáne qaraqumyq jarmasy) biz turaqtandyrý qorlaryna jergilikti atqarýshy organdardyń tikeleı jáne forvardtyq satyp alý arqyly júrgizýdi usynamyz. Ekinshi, «aınalym tetigi» aıasynda kókónisterdi, etti, sút ónimderin jáne kúnbaǵys maıyn satyp alý júrgiziledi. Úshinshi, un, nan jáne rojkıler óndirisin arzandatý úshin bıdaıdy «Azyq-túlik kelisimshart korporasııasy» AQ arqyly satyp alý usynylady», dedi Erlan Battaqov.
Birinshi vıse-mınıstrdiń aıtýynsha, bul tásilder halyqty ónimmen jetkilikti kólemde jáne qoljetimdi baǵamen qamtamasyz etýge múmkindik beredi.
Budan bólek, turaqtandyrý qorlaryn esepke alatyn bolsa, áleýmettik mańyzy bar azyq-túlik taýarlaryn satyp alý úshin qarjylandyrýdyń jalpy kólemi 140 mlrd teńgege deıin jetkiziletin bolady.
