«Qadirli qaýym! Ardaqty aǵaıyn! Eń aldymen barshańyzdy Ulystyń uly kúnimen shyn júrekten quttyqtaımyn. Bul tarıhy tereń tól merekemiz. Áz-Naýryz tabıǵatty túletip, tirshilikke nár beredi. Jańarý men jańǵyrýǵa úndeıdi», dedi Qasym-Jomart Toqaev.
Sondaı-aq ol halyqqa jasaǵan Joldaýynda «Jańa Qazaqstandy» qurýǵa jol ashatyn mańyzdy bastamalar usynǵanyn aıtty.
«Munyń bári elimizde júzege asyrylyp jatqan saıası reformalardyń zańdy jalǵasy. Bizdiń maqsatymyz – tıimdi memleket jáne ádil qoǵam qurý. Sondaı-aq halqymyzdyń ál-aýqatyn arttyryp, turmys sapasyn jaqsartý. Eń bastysy – qasterli táýelsizdigimizdi qorǵap, Qazaqstandy myqty memleketke aınaldyrý», dedi Prezıdent.
