Kezdesýge qatysýshylar Memleket basshysynyń Qazaqstan halqyna Joldaýynda aıtylǵan negizgi bastamalardy talqyǵa saldy.
Senator Prezıdenttiń Parlamentke, sondaı-aq óńirlik atqarýshy jáne ókildi organdarǵa qatysty jańa naqty saıası reformalardy belgilegenin atap ótti.
«El Prezıdenti óńirlerdi damytýǵa qatysty birqatar bastamalardy kóterdi. Úkimetke elimizdiń ákimshilik-aýmaqtyq qurylymynyń ońtaıly bolǵany asa mańyzdy. Memleket basshysynyń aıtýynsha, daǵdarysqa baılanysty dúrbeleńge eshqandaı sebep joq. Bizdiń elimizde aýqymdy daǵdarysty eńserýge qajetti rezerv pen quraldardyń bári bar. Daǵdarysqa qarsy sharalar toptamasyn iske asyrý jáne ulttyq valıýtanyń turaqtylyǵyn qamtamasyz etý týraly tapsyrma berildi», dedi Musabaev.
Kezdesý barysynda ǵarysh salasyndaǵy keleshegi zor baǵyttar, ǵarysh tehnıkasy jáne tehnologııasy mamandyǵy boıynsha ǵylymı sala qyzmetkerlerin, joǵary bilikti mamandar men túlekterdi qoldaýǵa qatysty máseleler talqylandy.
Senator jastardyń ıdeıalary men jobalaryn qoldaýǵa, sondaı-aq ǵaryshtan monıtorıng jasaý men qashyqtan zondtaý mindetteri men múmkindikterin keńeıte otyryp, ǵaryshtyq tehnologııalardy damytýdy jalǵastyrýǵa shaqyrdy.
