- Grek-rım kúresinen 17 jasqa deıingi jasóspirimder sanatynda jalpykomandalyq esepte Almaty oblysy 130 upaımen kósh bastady. Abaı oblysy 105 upaımen ekinshi orynǵa turaqtasa, Shymkent qalasy 93 upaımen úzdik úshtikti túıindedi. Al 20 jasqa deıingi jastar arasynda Almaty oblysynyń balýandary 131 upaımen top jardy. Shymkent qalasy 115 upaımen ekinshi, Aqtóbe oblysy 104 upaımen úshinshi orynǵa ıe boldy. Áıelder kúresinen 17 jasqa deıingi qyzdar arasynda Almaty qalasynyń quramasy 137 upaımen alǵa shyqty. Túrkistan oblysy 108 upaımen ekinshi, Jetisý oblysy 94 upaımen úshinshi orynǵa jaıǵasty. 20 jasqa deıingi jastar dodasynda Almaty qalasynyń sportshylary 177 upaımen top bastady. Túrkistan oblysy 144 upaımen ekinshi, Almaty oblysy 113 upaımen úshinshi satyǵa kóterildi. Al erkin kúresten U17 sanatynda Shymkent qalasy 128 upaımen jalpykomandalyq esepte birinshi orynǵa shyqty. Abaı oblysy 119 upaımen ekinshi satyǵa turaqtasa, Almaty qalasy 118 upaımen úshinshi oryndy ıelendi. U20 sanatynda Almaty qalasy 177 upaımen kósh bastasa, Túrkistan – 130, al Almaty oblysy 108 upaıǵa qol jetkizdi. Birinshilikte sportshylardyń qaısar minezi men sheberligi de joǵary baǵalanyp, «Qaısar rýh», «Dara tásil» atalymymen birneshe balýan marapattaldy.
- Fýtboldan elimizdiń áıelder quramasy álem chempıonatyna irikteý kezeńi aıasyndaǵy matchta jeńiske jetti. О́z alańynda Armenııa áıelder quramasyna qarsy synǵa túsken qyzdar 3:0 esebimen jeńiske jetti. Aleksandra Býrova 35-mınýtta esep ashsa, Ánel Mamyrova – 76, Bıbigúl Nurysheva 79-mınýtta enshisine gol jazdy. Ulttyq qurama oıynshylary 7 naýryz kúni Belarýs qyzdaryna qarsy tartysqa túsedi.
- Keshe Norvegııanyń Lıllehammer qalasynda shańǵy sporty túrlerinen jasóspirimder arasynda álem chempıonaty bastaldy. Shańǵymen tuǵyrdan sekirý saıysynda jasóspirimder arasynda Olımpıada chempıony Ilıa Mızernyhqa zor senim artylyp otyr. Sonymen qatar Davıd Gaal, Artem Meshkov, Danııl Kalınkın, Vıktorııa Rýleva, Anastasııa Gorýnova, Alısa Sedova, Alena Svırıdenko jahandyq dodada synǵa túsedi.
- Búgin Nıderlandtyń Herenven qalasynda konkımen júgirýden klassıkalyq jáne sprınterlik kópsaıystan álem chempıonaty bastalady. Jahandyq alamanǵa elimizden úsh sportshy qatyspaq. Klassıkalyq kópsaıysta Nadejda Morozovaǵa úmit artylsa, sprınterlik kópsaıys dodasynda Arına Ilıashenko men Artýr Ǵalıev aıdynǵa shyǵady. Álem chempıonaty 8 naýryzda máresine jetedi.
