Aımaqtar • 19 Naýryz, 2022

40 shaqty shaǵyn kásiporyn taýarlaryn eksporttaýdy meńgerdi

36 ret kórsetildi

Eýropalyq Odaq qarjylandyratyn Ready4Trade Ortalyq Azııa jobasynyń 5 kúndik koých-sessııalarynyń arqasynda elimizdiń 40-tan astam shaǵyn jáne orta kásiporny (ShOK) shetelge taýarlaryn eksporttaýdyń joldaryn meńgerdi, dep habarlaıdy Egemen.kz.

Osy jobany iske asyrǵan Halyqaralyq saýda ortalyǵy (HSO) óńirlik is-sharada eksportty basqarýdy oqytý jónindegi bastamanyń (EMCI) qandaı nátıje bergenin kórsetý úshin qorytyndy is-shara uıymdastyrdy.

EMCI bıznesi barlarǵa eksporttyq operasııalardy basqarýda týyndaıtyn kúndelikti máselelerdi sheshýge kómektesedi. Bastama óndiristen qol úzbeı, benefısıarlar aýmaǵynda júrgiziletin jeke oqytýdan turady. Qazirge Ortalyq Azııanyń barlyq bes elindegi 212 kásiporyn bastama aıasynda berilgen quraldardy, bilim men tehnıkalyq kómekti paıdalanǵan. Atalmysh jobanyń Qazaqstandaǵy ulttyq seriktesteri – «QazTrade saýda saıasatyn damytý ortalyǵy» AQ men Qazaqstan Respýblıkasynyń Saýda jáne ıntegrasııa mınıstrligi.

О́tken jyly da EMCI bastamasyn úılestirýdi basqarǵan HSO-nyń saýdaǵa járdemdesý jónindegi keńesshisi Ogıýsten Bare: «COVID-19 pandemııasynyń Ortalyq Azııa ekonomıkasyna áseri úlken boldy jáne onyń aldaǵy jyldary odan ári damýy men ártaraptandyrylýyna aýyr zardaptar ákeledi. Qalpyna keltirý óńirdegi jahandyq áleýmettik-ekonomıkalyq landshafttyń negizi bolyp qala beretinin eskere otyryp, ShOK kúshi men turaqtylyǵyna negizdeledi», deıdi.

«Osy turǵyda Ready4Trade jobasy sheńberinde eksportty basqarýdy oqytý bastamasy eń mańyzdy kezeńge sáıkes kelip otyr. Bul bastama óńirdegi eksporttaýshylardyń saýdadaǵy keıbir negizgi kedergilerin joıýǵa yqpal etedi ári eksportty basqarý týraly jalpy bilimderin jaqsartty», deıdi Ogıýsten Bare.

Almatyda ótken óńirlik is-sharada 2021 jyl ishinde iske asyrylǵan koýchıngtik mıssııalardy ótkizýden alynǵan sabaqtar kórsetildi. Sondaı-aq, qatysýshylar kórmede usynylǵan benefısıarlardyń taýarlarymen jaqynyraq tanysýǵa múmkindik aldy. Is-sharaǵa qatysýshylar EMCI-di óńirge beıimdeý jáne bolashaqta jobanyń turaqtylyǵyn qamtamasyz etý boıynsha óz baqylaýlary men usynystarymen bólisti.

Mysaly, 2021 jyly Qazaqstannyń syrtqy saýda aınalymy 60,3 mıllıard dollardan asqan. Taýarlardyń basym bóligin Qazaqstan Eýropaǵa eksporttady - 25,2 mlrd dollar, bul eksporttyń jalpy kóleminiń 41,8% - yn quraıdy.

Ready4Trade Ortalyq Azııanyń bes elinde óńirishilik jáne halyqaralyq saýdany damytýdy qoldaýǵa baǵyttalǵan. 4 jyldyq bastama EO qarjylandyratyn iri baǵdarlamanyń saýda komponenti bolyp tabylady, ol ınvestısııalardy, básekege qabilettilikti jáne saýdany qoldaýǵa baǵyttalǵan, osylaısha óńirdegi turaqty jáne ınklıýzıvti ekonomıkalyq damýǵa yqpal etedi. Ready4Trade jobasyn Eýropalyq Odaq qarjylandyrady jáne Halyqaralyq saýda ortalyǵy iske asyrady.

Almaty

Sońǵy jańalyqtar

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Ahańnyń adaldyǵy

Ahmet Baıtursynuly • Keshe

Qaraly kezeń kartınasy

Qazaqstan • Keshe

Parıjge syımaǵan Pol

О́ner • Keshe

Qarttar úıindegi vals

Qoǵam • Keshe

Dollar qaıta kóterildi

Qarjy • Keshe

Uqsas jańalyqtar