«Apat saldarynan turǵyn úıler men qyzmettik mekemeler jylýsyz qalǵan bolatyn. Ákimniń aıtýynsha, jumys komıssııasy qurylǵan. Onyń quramyna ákimdiktiń, TJM-niń jáne basqa da quzyrly vedomstvolardyń qyzmetkerleri, sondaı-aq atalǵan salanyń jobalaýshylary men mamandary engen.Kompanııa basshysy – jylý elektr ortalyǵynyń menshik ıesi keledi dep kútilýde. Prezıdent oblys ortalyǵy men basqa da eldi mekenderdiń turǵyndaryn tez arada jylýmen qamtamasyz etýdi tapsyrdy», delingen Aqordanyń baspasóz qyzmeti taratqan málimette.
Eske sala keteıik, Petropavlda jylý elektr ortalyǵynyń bir murjasy qulady, zardap shekkender týraly aqparat túsken joq.
Jylý júıesindegi apatqa baılanysty birden bes qazandyq sóndirildi. Qazirgi ýaqytta qylmystyq is qozǵalǵan. Jumysshylardyń bireýi tabylmaı jatyr.
JEO-daǵy tútin murjasynyń jartylaı qulaýyna baılanysty oblys ákimi jedel shtab qurdy. Ol jerde Petropavl turǵyndaryn tıisti jylýmen qamtýǵa qatysty barlyq is-sharalar qolǵa alynyp jatyr.
Oqıǵa ornynda búkil arnaıy qyzmetter jumys istep tur.
