Egov mobile qosymshasyn ınternetsiz-aq paıdalanýǵa bolady

Elektrondyq úkimettiń ın­fo­kom­mýnıkasııalyq ınfra­qurylymyna jaýapty «Ulttyq aqparattyq tehnologııalar» AQ ekeni belgili. Osy ulttyq ope­ratordyń qoǵammen baıla­nys basqarmasy taratqan máli­metke súıensek, eGov mobile qosym­sha­synda qazirdiń ózinde 400-ge jýyq memlekettik onlaın qyzmet pen servıs bar. Endi 2022 jyldyń sońyna deıin onlaın alýǵa bolatyn memlekettik qyzmet kóle­min 80%-ǵa jetkizý josparlanyp otyr.

Al dızaıny ózgergen mobıldi qosymshanyń jańartylǵan nus­qasy ınternetsiz-aq jumys isteı beredi. Ol úshin aldymen «Sıfrlyq qujattar» servısine ESQ kilti arqyly tirkelýden ótý kerek.

«Búginde eGov mobile mobıl­dik qosymshasyndaǵy «Sıfrlyq qujattar» servısi 18 qujattan turady. Atap aıtqanda, jeke kýálik, júrgizýshi kýáligi, vak­sına­laý pasporty, PTR test jáne týý týraly kýálik jáne t.b. Iske qosylǵan sátten bas­tap tek «Sıfr­lyq qujattar» ser­­vısi 47 mln-nan astam ret paı­­­da­­la­nyldy. Qazirgi ınterfeıs bu­ryn­ǵydan da yńǵaıly. Aza­mattar qajetti memlekettik qyzmetti ınternet ustamaıtyn jerde de qoldana alady», deıdi «Ulttyq aqparattyq tehnologııalar» AQ basqarma tóraǵasy Rostıslav Konıashkın.

Qosymshanyń jańa nusqasy­na eGov.kz portalynyń 20-dan as­tam memlekettik qyzmeti engizildi. Sonyń ishinde Qazaqstan aýmaǵyn­daǵy jyljymaıtyn mú­lik obektileriniń mekenjaıyn aı­qyndaý boıynsha anyq­tama berý, qorǵanshylyq jáne qam­qor­shylyq jóninde anyq­tamalar, UOS qatysýshysy kýá­ligi, taǵy basqa da qujattardy sıfr­lyq nusqada alýǵa bolady.

Jańartylǵan nusqaǵa «О́mir­lik jaǵdaılar» atty jańa bólimi qosyldy. Onda belgili bir taqyryp boıynsha paıdaly aq­parattar jı­naq­talǵan. Bul servıs mem­leket­tik qyzmetterdi alýǵa ótinim berý jáne aqparatty izdeý úshin ýaqytty únemdeýge múmkindik beredi.

Sondaı-aq jurtshylyq tapsyrys bergen sıfrlyq qujat­ta qandaı da bir qate málimetter anyq­talsa, ol týraly tıisti meke­meni habardar ete alady. Osyǵan arnalǵan «qate týraly habarlaý» batyrmasy iske qosyldy. О́tinish berý tetigi e-Otinish arqyly mem­lekettik organǵa joldanady.

«Bıyl «UAT» AQ Memleket bas­shysynyń qujattar aınaly­myn­daǵy qaǵazbastylyqty azaıtý tapsyrmasy sheńberinde «Sıfr­lyq málimetter» servısin iske qosýdy josparlap otyr. Onda azamattar anyqtamalardy neǵurlym yńǵaıly ári jyldam tásilmen ala alady. Qujattardy tıisti jerge elektrondyq poshta, messendjer nemese QR kod arqyly jibere alady. Bir sózben aıtqanda, anyqtamalardy qaǵaz túrinde basyp shyǵarýdyń qajettiligi bolmaıdy», dedi R.Konıashkın.

Egov mobile mobıldik qosym­shasynyń jańa nusqasyn App Store platformasynda jáne Play Market pen App Gallery arqy­ly júktep alýǵa bolatynyn esteri­ńizge salamyz.