Aımaqtar • 24 Naýryz, 2022

Almatyda zańsyz satylǵan kásiporyn memleketke qaıtarylatyn boldy

72 ret kórsetildi

Almaty ákimdigi «Almaty qala jaryq» kásipornyn qala menshigine qaıtarý sharlaryn júzege asyrýda, dep habarlaıdy Egemen.kz.

Bul kompanııa qalanyń syrtqy jaryqtandyrý júıelerin avtomattandyrylǵan jáne ortalyqtandyrylǵan basqarýǵa jaýap beredi. Almaty ákimdiginiń baspasóz qyzmeti málim etkendeı, 2021 jyldyń jeltoqsan aıynyń sońynda Almaty qalasy ákimdiginiń qaýlysymen tender arqyly «Almaty qala jaryq» ShJQ MKK satylǵan.

«ABM Group.com» JShS jeńimpaz dep tanyldy. Mámile 4,6 mlrd teńge boldy, boljamdy quny 14,8 mlrd teńge.

«Básekelestikti qorǵaý jáne damytý agenttiginiń Almaty qalasy boıynsha departamenti 2020-2021 jyldarǵa arnalǵan qalanyń syrtqy jaryqtandyrý júıelerin avtomattandyrylǵan ortalyqtandyrylǵan basqarýdy usyný boıynsha qyzmetterdi kórsetý naryǵyndaǵy básekelestik jaǵdaıyna taldaý júrgizdi. Osy naryqta «Almaty qala jaryq» ShJQ MKQK-nyń úlesi bar. Bul uıymnyń monopolııalyq jaǵdaıǵa ıe ekendigi anyqtaldy», dep habarlady ákimdikten.

«Memlekettik múlik týraly» QR zańynyń normalaryna sáıkes, monopolııalyq jaǵdaıǵa ıe naryq sýbektileri bolyp tabylatyn uıymdardy jekeshelendirý týraly sheshimder qabyldaý el Úkimetiniń quzyretine jatqyzylǵan.

Osylaısha, Almaty ákimdiginiń ShJQ «Almaty qala jaryq» MKK-ny jekeshelendirý týraly sheshimi Memlekettik múlik týraly zańnama normalaryna qaıshy keledi jáne básekelestikti shekteıdi.

«Almaty qala jaryqty» jekeshelendirý strategııalyq memlekettik kásiporynnyń joǵalýyna ákelýi múmkin. Osyǵan baılanysty Almaty ákimdigi QR Básekelestikti qorǵaý jáne damytý agenttiginiń Almaty qalasy boıynsha departamentiniń habarlamasy negizinde «Almaty qala jaryq» ShJQ MKK jekeshelendirý týraly sheshimniń kúshin joıý sharalaryn qabyldaýda.

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar