Temirtaý qalasynyń aýmaǵynan ótetin respýblıkalyq mańyzy bar «Almaty-Ekaterınbýrg» tas jolynda 31 jastaǵy Hyundai avtokóliginiń júrgizýshisi 33 jastaǵy jaıaý júrginshini qaǵyp ketken. Jol-kólik oqıǵasynan keıin atalǵan avtokólik 37 jastaǵy azamattyń basqarýyndaǵy Renault avtokóligimen soqtyǵysqan. Jol-kólik oqıǵasy saldarynan jaıaý júrginshi oqıǵa orynynda qaza taýyp, Hyundai avtokóliginiń júrgizýshisi ártúrli jaraqattarmen aýrýhanaǵa jetkizildi.
«Atalǵan fakti boıynsha Temirtaý qalalyq Polısııa basqarmasyna qarasty Eski qalalyq Polısııa bóliminde Qazaqstan Respýblıkasy Qylmystyq kodeksiniń 345 baby 3 tarmaǵyna sáıkes tirkeldi. Tergeý amaldary júrgizilýde», dep málimdedi Polısııa Departamentiniń baspasóz qyzmeti.
Polısııa qyzmetkerleri kólik júrgizýshilerden saqtyq sharalaryn qatań ustanyp, aýa raıy kúrt ózgergen jaǵdaıda alys saparlarǵa shyqpaýlaryn eskertedi.
Mundaı qolaısyz aýa raıynda tótenshe jaǵdaılar qyzmeti mamandarynyń da jumysy qaýyrt. Qutqarýshylar Qaraǵandy oblysynda bir táýlik ishinde qar qursaýynda qalǵan 68 adamdy qutqaryp, 114 adamdy evakýsııalady.
