Erekshe balalarǵa – tegin úıirmeler

О́tken jyldan bastap balalardy buqaralyq sport túrlerine belsendi tartý, sondaı-aq tegin sport seksııalary men úıirmelerin ashý mindeti qoıylǵany belgili. Osy oraıda memlekettik tapsyrys aıasynda sport seksııalary men shyǵarmashylyq úıirmelerdi jan basyna normatıvtik qarjylandyrý tetigin júzege asyrýǵa baılanysty sharalarmen tanystyryp ótken Almaty qalasy sport basqarmasynyń basshysy Rústem Baıseıtov 4-ten 17 jasqa deıin, onyń ishinde erekshe qajet­tilik­teri bar balalarǵa 71 sport túrinen sport seksııa­laryna tegin qatysýǵa múm­kindigi bar ekenin atap ótti. Onyń aı­týynsha, byltyr atalǵan jobany júzege asyrýǵa bıýdjetten 1,2 mlrd teńge bólindi. Balalardyń sportpen jáne shyǵarmashylyqpen tegin aınalysýy ata-analar úshin óte qolaıly. Máli­metter boıynsha, bir balaǵa sport sek­sııasyna barýdyń ortasha quny aıy­na 20 myń teńgeden asady. Balalar úıirmeleri men sport seksııalaryn jan basyna qarjylandyrýdy iske qosý úrdisin jedeldetý maqsatynda Artsport.edu.kz aqparattyq júıesi jumys isteıdi. Memlekettik sporttyq tapsyrysty jan basyna normatıvtik qarjylandyrý aıasynda qazirgi kezde sporttyń 37 túrinen tegin qatysýǵa múmkindik jasalǵan. Fýtbol, shahmat, taekvondo, dzıýdo, júzý eń kóp suranysqa ıe seksııalar qatarynda.

Osy oraıda qalanyń Jetisý aýda­nyn­­da «Kemel» dene shynyq­tyrý-sa­ýyq­­­tyrý kesheniniń ashylýy da bala­larǵa tegin úıirmelerge qatysýǵa múm­kindik beretinin aıta ketken jón. Ke­shen salamatty ómir saltyn jáne buqara­lyq sportty nasıhattaý, sondaı-aq aýdan­dy keshendi damytý maqsatynda «Shet­siz qala» jobasy aıasynda ashylǵan. Munda kórkem gımnastıka, estetıkalyq toptyq gımnastıka, badmınton jáne shyǵys jekpe-jeginiń túrleri, sondaı-aq múmkindigi shekteýli balalarǵa arnal­ǵan shahmat, toǵyzqumalaq seksııalary jumys isteıtin bolady.

ALMATY