«Sergek» mıllıonnan astam ereje buzý deregin anyqtaǵan

Almaty qalalyq Polısııa departa­mentiniń málimetinshe, ót­ken jyly alma­ty­lyq júrgizýshiler jol qozǵalysy ere­jesin mıllıonnan asa buzǵan. Olarǵa salynǵan aıyppuldan bıýdjetke túsken qarajat kólemi ótken jyly 9 mlrd 373 mln 600 myń teńgege jetken. Naqty aıtqanda, jol erejesin buzý faktisi 1 mln 312 myńdy quraıdy. Qalada jıi kezdesetin jol qozǵalysy erejelerin buzý jol belgilerinde nemese joldyń júrý bóligin tańbalaýda kózdelgen talaptardy saqtamaýmen baılanys­ty bolyp keledi. Al Ákimshilik quqyq buzýshylyq týraly kodeks­ke (ÁQBtK) sáıkes 130 953 quqyq buzýshylyqtyń kúshi joıylǵan.

Almaty qalasy Ákimshilik departa­­menti Ákimshilik basqarma­sy­nyń Ákim­shilik tájirıbe bólimi taratqan málimetke sáıkes qazirgi ýaqytta Almaty qalasynda 468 agroónerkásip kesheni (2258 kamera) jumys isteıdi, olardyń ornalasqan 85 jol qıylysy, 379 jelilik ýchaske, onyń ishinde 21 post Almaty qalasynyń kireberisi men shyǵysynda ornalasqan. Jol qaýipsizdigin kúsheıtý maqsatynda qalanyń apatty ýchaskelerine, jaıaý júr­gin­shiler ótkelderi men kóshe qıylys­taryna «Sergek» kameralary ornaty­lýda. Ornatylǵan kameralar sany apatty ýchaskelerdiń, jaıaý júrginshiler ótkel­deriniń, jol qıylystarynyń sanyna jáne turǵyndardyń ótinishine baılanys­ty eskerilip otyr.

IIM Ákimshilik polısııa ko­mı­­­tetiniń málimetinshe, avto­kó­lik oqı­ǵalary saldarynan bo­latyn ólim-jitim oqıǵalary jaıaý júrginshilerdi qaǵyp ketý, kólik­terdiń aýdarylýy jáne qa­rama-qarsy jolaqqa shyǵyp soq­ty­ǵysýynan oryn alýda. Jol kólik oqıǵalarynyń osy túrlerindegi ólim-jitim 56 paıyzdy quraıdy. Árbir besinshi jol-kólik oqıǵasy eldi meken­de jyldamdyqtyń artýyna baıla­nys­ty oryn alady. 2020 jyly 200 myń­nan astam jaıaý júrginshi tártip bu­zyp, jol oqıǵasynyń sebepkeri bolsa, ótken jyl­dyń tórt aıynyń ózinde 70 myń­ǵa jýyq jol erejesin buzý deregi anyqtalǵan.

ALMATY