Ǵylym damysa – qoǵam damıdy

Prezıdenttiń halyqqa arna­ǵan Joldaýy elimizdiń alda­ǵy damýyna jańa serpin berip, alǵa qoıǵan mindetterdi tıimdi júzege asyrýǵa yqpal etedi. Prezıdenttiń Joldaýy Ata zańy­myzda kórsetilgendeı «Áleý­met­tik memleket» statýsyna sáıkes, qarapaıym halyqtyń tur­mystyq jaǵdaıyn jaqsartý maqsa­tynda jańa­shyl bastamalar men baǵ­dar­lar­ǵa negizdelgen.

Jıynǵa Ulttyq ǵylym aka­de­mııas­ynyń prezıdenti, akademık Murat Jurynov jetek­shi­lik etip, Almaty qalasy ákiminiń orynbasary Arman Qyryqbaev qatysty.

Ǵalymdar tarapynan aıtyl­ǵan usynys-pikirlerde ǵylymı ke­ńis­tiktiń múmkindikteri sóz bol­dy. Osy oraıda QazUAZÝ rek­tory, UǴA vıse-prezıdenti, aka­demık T.Espolov Prezıdenttiń saıası reformalar jónindegi Jol­daýy el damýyna tyń serpin beretinin atap ótse, Ekonomıka ınstı­tý­ty­nyń dırektory, UǴA aka­de­m­ıgi Á.Satybaldın «Prezıdent Q.K.Toqaevtyń joldaýy – eli­miz­degi ekonomıkalyq jáne saıası qaıta qurýlar men Jańa Qazaq­stan baǵdarlamasyn júzege asy­rý­dyń negizi» taqyrybyna baıandama jasady. Al Sh.Ýálıhanov atyndaǵy Tarıh jáne etnologııa ınstıtýtynyń dırektory, UǴA korrespondent-múshesi Z.Qabyl­dınov «Jańa Qazaqstan jáne onyń jańa ákimshilik-aýmaq­tyq qury­lymyna» taldaý jasap, R.Sú­leı­menov atyndaǵy Shyǵys­ta­ný ınstıtýtynyń dırektory, fılo­logııa ǵylymdarynyń doktory, professor D.Másimhanuly Joldaýdy Qazaqstannyń jańa betalysyn aıqyndaǵan qujat dep atap ótti.

Qazirgideı kúrdeli kezeńde Prezıdent elimizdiń bolashaǵyn naqty baǵamdap, Qazaqstandy azamattyq qoǵamy qalyptasqan tıimdi memleketke aınaldyrýǵa serpin beredi. Memleket basshysy azamattyq belsendilikti jandandyrý keregin, memleket pen qoǵamnyń sanaly əri syndarly seriktestigine jol ashý qajet­ti­gin basa aıtty. Aıtylǵan re­for­malardyń aýqymy keń, maz­muny tereń. Onda bılik tar­maq­tarynyń ókilettiginen bastap, azamattardyń quqyǵyn qorǵaýǵa deıingi barlyq məsele qamtylǵan.

Prezıdenttiń Qazaqstan hal­qy­na Joldaýy aýqymy jaǵy­nan elimizdiń saıası damýynyń jańa kezeńi ispetti. Bul – el aldynda turǵan synaqtarǵa memlekettiń bergen jaýaby dep aıtýǵa bolady. «Jańa Qazaqstan» degenimiz – barlyq adamǵa teń múmkindik berý, ekonomıka men saıasattaǵy jasandy monopolııalardy joıý, eldiń saıası ómirine belsene aralasatyn myqty azamattyq qoǵamy bar tıimdi əri órkenıetti memleket qurý.

Joldaýda jyl basyndaǵy oqıǵa­larǵa naqty quqyqtyq baǵa berilip, qaıǵyly oqıǵaǵa qaty­sy barlardyń eshqaısysy jazasyz qalmaıtyny basa aıtyldy. Sonymen qatar Memleket basshysy elimizdi odan əri de­mo­kra­tııalandyrý baǵdary jal­ǵa­sa beretinine nazar aýdaryp, qoǵamdyq-saıası saladaǵy aýqym­dy jəne júıeli reformalar topta­masyn usyndy. Bul jańa bastamalar elimizdiń qazirgi saıası júıesin túbegeıli qaıta jań­ǵyr­typ, onyń ashyqtyǵyn, esep­ti­ligin jəne tıimdiligin arttyra túsedi.

Dóńgelek ústel jumysyna qalalyq ákimdik qyzmetkerleri, UǴA músheleri, memleket jáne qoǵam qaıratkerleri, ǴZI, BAQ ókilderi qatysty.

ALMATY