«Biz ózimizdiń avtoónerkásibimizge erekshe nazar aýdara bastadyq. Otandyq avtokólikterdiń baǵasy turaqty bolýy úshin barlyq sharalardy qabyldap jatyrmyz. Jeńildetilgen avtonesıeleý boıynsha quny 10 mln teńgege deıingi kólikti nesıege alýǵa bolady. Odan da qymbat mashına satyp alý quqyǵy bar, biraq aıyrmashylyǵyn nesıeni alǵan adam óz qarajatynan tóleıdi. Sáýir aıynyń sońyna deıin bul másele sheshimin taýyp, kólikter 4% jeńildikpen nesıelendiriletin bolady dep oılaımyn», dedi QR Indýstrııa jáne ınfraqurylymdyq damý mınıstri Qaıyrbek О́skenbaev.
Mınıstr qazaqstandyq avtokólikterdiń baǵasyn ósý josparda joq ekenin aıtty.
«Biraq baǵalar áli de turaqsyz ekenin aıta ketý kerek. Baǵalar kún saıyn ózgeredi. Sondyqtan erteń qandaı baǵa bolatynyn aıtý qıyn. Birqatar pozısııalar boıynsha tipti tómendeý úrdisi de baıqalady», dedi vedomstvo basshysy.
