«Úkimettiń júıeli jumysynyń nátıjesinde oqýshylar oflaın formattaǵy oqýǵa kóshti. IV toqsan barlyq bilim berý uıymdarynda dástúrli formatta bastalady», dedi Gúlmıra Kárimova Ortalyq komýmnıkasııalar qyzmetinde.
7,5 myń orta bilim berý uıymdarynda oqýshylar kontıngenti shamamen 3,6 mln balany quraıdy (2,4 mln. oqýshy qazaq tilinde bilim alady, 65,3 %). Bul ótken oqý jylynyń osy kezeńimen salystyrǵanda 200 myń balaǵa artyq. Mektep basshylary bilim berý uıymdarynda qoıylatyn sanıtarııalyq-epıdemıologııalyq talaptardyń qatań saqtalýyn qamtamasyz etedi.
Jalpy, barlyq orta bilim berý uıymdarynda 4-toqsan dástúrli túrde bastalady. Oqý toqsanynyń uzaqtyǵy – 8 apta. Oqý jyly dástúrli túrde bıylǵy jyldyń 25 mamyrynda aıaqtalady.
