Polısııa departamentiniń habarlaýynsha keshe saǵat 20:10 shamasynda «Lada» markaly avtokóliktiń 26 jastaǵy júrgizýshisi Qarqaraly tas joly boıymen Qosshy qalasy jaǵynan Qabanbaı batyr dańǵylyna qaraı júrip kele jatyp, aýa-raıyn eskermeı, 41 jastaǵy júrgizýshiniń basqarýymen «Folksvagen» markaly avtokóligimen soqtyǵysqan. Atalǵan jaǵdaı saldarynan kólikterdiń keptelisi men joldyń nashar kórinýinen taǵy tórt kólik soqtyǵysqan.
Sondaı-aq, keshe «Shacman» avtokóliginiń júrgizýshisi Talapker aýyly jaǵynan Astrahan tas jolymen júrip bara jatyp, róldi basqara almaı, basqa «Shacman» avtokóligimen soqtyǵysqan. Osydan keıin taǵy úsh kólik soqtyǵysqan.
«Nur-Sultan qalasynyń Polısııa departamenti aýa-raıynyń kúrdeli jaǵdaıy men temperatýranyń tómendeýin, sondaı-aq kóktaıǵaqty eskere otyryp óte muqııat bolýdy, belgilengen jyldamdyq rejımin qatań saqtaýdy, kúrt tejeýge júginbeýdi, qashyqtyq pen búıirlik aralyqty saqtaýdy eskertedi.
Júrgizýshilerge ǵana emes, jaıaý júrginshilerge de, júris bóligine de kóliktiń toqtap turǵanyna kóz jetkizip, belgilengen jerlerden ǵana ótýi kerek», delingen habarlamada.
