«Shyn máninde, bul Jańa Qazaqstandy qurý kezeńiniń bastamasy. Osy oraıda reforma mazmunynyń aýqymdylyǵyna sıfrlar dálel bola alady. Bir ǵana Konstıtýsııanyń ózine 30-dan astam bapqa, sonymen qatar 7 konstıtýsııalyq zań men 15-ten astam zańǵa ózgerister engizý josparlanyp otyr. Prezıdenttiń ókilettiligin shekteý, saılaý úrdisin jańǵyrtý, saıası partııalardy tirkeý tártibin jeńildetý, sot jáne quqyq qorǵaý júıesin jetildirý, azamattardyń negizgi quqyqtaryn qorǵaý, azamattyq qoǵam ınstıtýttary men buqaralyq aqparat quraldarynyń rólin kúsheıtý sııaqty mańyzdy mindetter ýaqyttyń enshisinde. Al qoǵamdyq dıalogtyń birtutas úlgisin qalyptastyrý úshin bılik pen halyq arasyndaǵy ózara is-qımyldy kúsheıtetin «Ulttyq quryltaı» qurylady. Bul rette jumys istep turǵan barlyq qoǵamdyq keńestiń qyzmeti júıelenip, olardyń músheleri Ulttyq quryltaıdyń quramyna enetin bolady. Bul sharalar azamattyq qoǵam ınstıtýttarynyń rólin kúsheıtýge baǵyttalyp otyr», dedi Qanat Mýsın.
Mınıstrdiń aıtýynsha, Ádilet mınıstrligi Joldaýdy iske asyrý úshin normatıvtik-quqyqtyq taraptan qamtamasyz etetin bolady.
Kezdesý barysynda mınıstr qala turǵyndaryn, qoǵam belsendilerin mazalaǵan saýaldarǵa jaýap berdi. Onyń ishinde saıası partııalardy, menshik ıeleriniń birlestigin, taýarlyq belgini tirkeý, halyqtyń quqyqtyq saýattylyǵyn kóterý, jeke azamattardy bankrot dep tanýǵa baǵyttalǵan zań jobasy, notarıýstar kórsetetin qyzmettiń sapasy, sonymen qatar zań mamandyqtary boıynsha kásibı kadrlardy daıarlaý baǵytynda suraqtarǵa jaýap berdi. Sondaı-aq azamattardy jeke qabyldaǵan mınıstr jurtty jeke sot oryndaýshylarynyń tólem qyzmetin ózgertý, atqarýshylyq qyzmettiń reformasy, jeke múlik ıeleri birlestigin tirkeý máseleleri mazalaıtynyn jetkizdi.
Jıynda mınıstr Ádilet organdarynyń jumysyna da toqtalyp ótti. Vedomstvo basshysynyń aıtýynsha, sot aktilerin oryndaý Ádilet organdary qyzmetiniń mańyzdy baǵyttarynyń biri. «Jyl saıyn 1 mıllıondaı qujat óńdeýden ótedi. Almaty qalasy boıynsha búginde 24 memlekettik jáne 319 jeke sot oryndaýshysy bar. О́tken jyly kepildendirilgen zań kómegin kórsetýge kózdelgen 6 mln teńgeden astam qarajat tolyǵymen ıgerilgen. Al azamattarǵa zańgerlik qyzmet kórsetý salasynda óńirlik zańgerlik birlestikter de aýqymdy jumystar atqarýda. Qala boıynsha 12 myńnan astam azamatqa tegin zań kómegi kórsetilgen.
ALMATY
