Sheshim resmı jarııalanǵan kúninen bastap kúntizbelik 10 kún ótken soń, ıaǵnı 2022 jylǵy 31 naýryzdan bastap kúshine enedi (Eýrazııalyq ekonomıkalyq komıssııanyń resmı saıtynda 2022 jylǵy 21 naýryzda jarııalanǵan).
Sheshimde 2022 jylǵy 1 qazanǵa deıin Eýrazııalyq ekonomıkalyq odaqtyń kedendik aýmaǵyna tasymaldaýshy jetkizetin nemese halyqaralyq poshta jóneltilimderimen jiberiletin jeke paıdalanýǵa arnalǵan taýarlardy bajsyz ákelýdiń qundyq shegin 200 eýrodan 1000 eýroǵa deıin arttyrý kózdelgen. Bul rette salmaq shegi qoldanystaǵy shekterde qalady – 31 kıloǵa deıin.
Kórsetilgen kezeńde Eýrazııalyq ekonomıkalyq odaqtyń kedendik aýmaǵyna tasymaldaýshy jetkizetin nemese halyqaralyq poshta jóneltilimderimen 1000 eýro jáne 31 kılo sheginde jiberiletin jeke paıdalanýǵa arnalǵan taýarlarǵa kedendik tólemder salynbaıdy.
Bul shek ýaqytsha negizde – 2022 jylǵy 1 qazanǵa deıin ulǵaıtyldy. Osylaısha, 2022 jylǵy 31 naýryzdan bastap 1 qazanǵa deıingi kezeńde, eger sálemdemeniń quny 1000 eýro somasynan asyp ketse jáne (nemese) onyń salmaǵy 31 kılodan asatyn bolsa, alýshy qunnyń 15% mólsherinde, biraq qunnyń jáne (nemese) salmaq normasynyń asyp ketýi bóliginde 1 kılo úshin 2 eýrodan kem emes kedendik baj tóleýi qajet.
