Avtosalyqty tóleýdi umytpańyz

Memlekettik kirister komı­teti 2021 jyldyń kólik sa­lyǵyn bıylǵy 1 sáýirge deıin tóleý kerektigin eske salady. Komıtettiń baspasóz qyz­­metiniń habarlaýynsha, kólik quraldaryna saly­na­tyn sa­lyq­tyń kólemin kgd.gov.kz web-portaly men «e-Salyq Aza­mat» mobıldi qosym­sha­syn­da­ǵy salyq kalkýlıa­torynyń kómegimen eseptep shyǵarýǵa bolady.

«Qazirgi ýaqytta salyq organdary eseptegen kólik saly­ǵynyń somasy «Kaspıı bank» AQ jáne «Halyq bank» AQ mobıldi qosymshalaryn paı­dalanýshylarǵa PUSH-habar­lama túrinde jiberilip jatyr. Budan basqa, bul aqparat kgd.gov.kz web-portalynda «Jeke tulǵalar úshin aldaǵy tólemder» servısinde, sondaı-aq «e-Salyq Azamat» jáne ekinshi deńgeıdegi bankterdiń uıaly telefon qosym­shalarynda jarııalandy», de­lingen komıtettiń resmı habarlamasynda.

Eger salyq ýaqtyly tólen­bese, onda salyq organdary jeke tulǵaǵa salyq bereshegi týraly qosymsha habarlama joldaıdy. Osy habarlama tabys etilgen kúnnen bastap otyz jumys kúni ótken soń tıisti vedomstvo bir eselengen aılyq eseptik kórsetkish (3 063 teńge) mólsherinde salyq buıryǵyn shyǵarady. Al osy buıryq tabys etilgen kúnnen bastap 5 jumys kúni ishinde bereshek ótelmese, onda tólemdi májbúrlep ótep alý úshin is jeke sot oryndaýshylaryna jiberiledi. Qaryzger ústeme aqshamen qosa, sot oryn­daýshylarynyń qyzmeti úshin de qosymsha aqsha tóleýine týra keledi. Olar boryshker azamat­tan salyq bereshegi somasynyń 25%-yna deıin tólem óndirip alady. Onyń syrtynda jeke tulǵanyń shoty buǵattalyp, de­po­zıtine shekteý qoıylýy múm­kin.

Sondyqtan salyq organy qyz­metkerleri kóligi bar azamat­tardy memleket aldyndaǵy min­det­­temesine adal bolyp, sa­­­lyqty ýaqtyly tóleýge sha­qy­rady.