Oqıǵa 1 sáýirde Túrkistan oblysy Saýran aýdany aýmaǵynda Shymkent-Samara tasjolynyń 135-shaqyrymynda bolǵan. Polısııa málimetinshe, bir baǵytta kele jatqan Renault Magnum krany men Volvo júk kóligi soqtyǵysqan.
«25 tonnalyq Renault Magnum aýyr júk kóliginiń sońynan kele jatqan Volvo júrgizýshisi rólde uıyqtap ketip, júk kótergish kranǵa soǵyldy. Saldarynan tirkemede turǵan avtokran aýdarylǵan. Osy mańda patrýldik qyzmette júrgen Túrkistan oblysy Patrýldik polısııa batalonynyń qyzmetkerleri oqıǵa ornyna dereý jetip, júrgizýshilerge kómektesti. Reseılik nómirli Volvo júk kóligi tizgininde Reseı azamaty bolǵan. Eki júrgizýshi de zardap shekken joq», delingen habarlamada.
Búginde bul fakti boıynsha Saýran aýdandyq polısııa bólimi tekserý júrgizip, oqıǵanyń mán-jaıyn anyqtap jatyr. Aýdarylǵan kólik jol jıegine shyǵarylyp, kólik qozǵalysyna jol ashylǵan.
