Erigen qar sýymen kúresý úshin Batys Qazaqstan oblysyna Mańǵystaý oblysynan 43 adam, 4 birlik tehnıka men 6 sý aıdaý quraly jiberildi.
Batys Qazaqstan oblysynyń Qaratóbe aýdanynyń shalǵyn kentinde jáne Bórli aýdanynyń Qyzyltal aýylynda 37 jeke turǵyn úı men 2 áleýmettik nysan sý astynda qaldy. TJM jáne JAO kúshterimen barlyǵy 87 adam evakýasııalandy.
Búgingi kúni Batys Qazaqstan oblysynyń eldi mekenderinen barlyǵy 1 mln. 156 myń m3 qar shyǵaryldy.
Pavlodar oblysyndaǵy Rojdestvenka aýylynda da 2 jeke turǵyn úı sý astynda qaldy. Búgingi tańda oblystyń turǵyn úıleri men aýla aýmaqtarynan barlyǵy 56 500 m3 erigen qar sýy sorylyp, eldi mekenderden 795 myń m3 sý shyǵaryldy.
Sondaı-aq, Aqtóbe oblysyndaǵy 8 avtojol arqyly erigen qar sýy tasydy, bul rette respýblıkalyq mańyzy bar avtojoldyń 1 ýchaskesi jáne Batys Qazaqstan oblysyndaǵy Aqtóbe oblysynyń jergilikti mańyzy bar avtojoldarynyń 15 ýchaskesin sý basty. Barlyq ýchaskelerde polısııa qyzmetkerleri men jergilikti atqarýshy organdardyń kezekshiligi uıymdastyryldy.
Jumysqa TJM, IIM jáne JAO barlyǵy 621 adam, 289 birlik tehnıka jumyldyryldy.
