Respýblıka boıynsha tuman, kóktaıǵaq, jeldiń kúsheıýi, ońtústik-batysta shańdy daýyl, naızaǵaı boljanady.
Qostanaı, Soltústik Qazaqstan oblystarynyń soltústiginde tuman, kóktaıǵaq, 15-20 m/s ekpindegi jel kútiledi.
Batys Qazaqstan oblysynyń soltústiginde tuman boljanady, óńirdiń batysynda, ońtústik-shyǵysynda jeldiń jyldamdyǵy 23 m/s deıin jetedi.
Kúndiz Mańǵystaý oblysynyń soltústiginde naızaǵaı oınap, batysynda, soltústiginde, shyǵysynda jeldiń ekpini 23 m/s deıin artady. Oǵan shańdy daýyl qosylady.
Atyraý oblysynyń shyǵysynda, kúndiz batysynda, Aqtóbe oblysynyń soltústiginde, kúndiz ońtústik-batysynda, soltústik-shyǵysynda, Jambyl oblysynyń taýly aýdandarynda jel 15-20 m/s kúsheıedi.
Almaty oblysynyń Alakól kólderiniń aýdanynda jeldiń jyldamdyǵy 17-22 m/s jetedi.
Pavlodar oblysynyń shyǵysynda, ońtústiginde tuman boljanady.
