«Elordanyń belsendi damýyn eskere otyryp, nóser kárizderin salý - ózekti baǵyt. Qoldanystaǵy nóser kárizderiniń qýaty jetkiliksiz ekeni baıqaldy. Sol sebepti bul máseleni qolǵa aldyq.
Molodejnyı shaǵyn aýdanynda (Táshenov jáne Amman kósheleriniń qıylysy) jetkizýshi kollektorlardy qaıta jóndeýmen tazartý qurylysy salyndy. Jańa qurylystardyń qýattylyǵy táýligine 42 myń tekshe metrden asady. Atalǵan tazartý ǵımaraty Táshenov, Baraev, Ýálıhanov, Pýshkın, Imanbaeva kóshelerin, Respýblıka dańǵylyn, Táýelsizdik dańǵylynyń joǵarǵy bóligin sý basý máselesin sheshýge múmkindik berdi.
Bul tazartý qondyrǵysynyń ereksheligi - Esil ózenine quıar aldynda jańbyr men erigen sýlardyń tazartylýyn qamtamasyz etýge múmkindik beredi. Buryn sý aǵyndary ózenge tikeleı kirdi, bul ony lastap qana qoımaı, sonymen qatar qalanyń ekologııasyna teris áser etti. Tazartý qondyrǵysynyń jumysy ótken jyldyń kúzinde iske qosyldy, tazartý qondyrǵysy jer astynda qarastyrylǵandyqtan, alańnyń ústinde gúlzar men kógaldandyrý aımaǵyn jabdyqtaımyz.
О́zderińiz biletindeı, jaýyn-shashyn kezinde tolyǵymen sý astyna ketken eń problemaly ýchaskelerdiń biri B. Momyshuly dańǵyly boldy. Onda biz nóser kárizderiniń magıstraldyq kollektorynyń qurylysyn aıaqtadyq. Bul nóser káriziniń uzyndyǵy 500 metrdi quraıdy. Jańa qurylys qoldanystaǵy nóser kárizi jelileriniń ótkizý qabiletin 1,5 esege arttyrýǵa múmkindik berdi.
Buǵan deıin Telman eldi mekeninde tazartý qondyrǵylary men magıstraldyq kollektor salý jumystary aıaqtalǵan bolatyn. Qýattylyǵy - táýligine 36 myń tekshe metrden astam.
Sondaı-aq, tazartý qurylystary Prıgorodnyı TM jáne Alash tas joly boıyndaǵy logıstıkalyq ortalyq aýdanynda salynǵan. 2019 jyly Myńjyldyq alleıasy aýdanyndaǵy eki ýchaskede nóser kárizi máselesin sheshtik.
Almaty aýdanynda (Sh.Qaldaıaqov kóshesi) sorǵy stansııalary bar nóser kollektorynyń qurylysyn júrgizip jatyrmyz, óıtkeni onyń fýnksııasyn sońǵy birneshe jyl boıy turmystyq káriz oryndady, ol birneshe ret isten shyqty. Jańa nóser sýy ótkizý qýatyn eselep arttyrýǵa, jaqyn mańdaǵy kósheler men úılerdi sý basýdan saqtaýǵa múmkindik beredi.
Nóser kárizderi men tazartý qurylystaryn salý jáne qýattylyǵyn keńeıtý boıynsha jumystardy júıeli deńgeıde júrgizip jatyrmyz», dep jazdy elorda ákimi.
