Fýtbol • 04 Sáýir, 2022

Álem chempıonatynyń jerebesi tartyldy

48 ret kórsetildi

О́tken juma kúni Qatar astanasy – Dohada jyl sońynda uıymdastyrylatyn fýtboldan kezekti álem chempıonatynyń jerebesi tartyldy. Qarasha jáne jeltoqsan aılarynda ótetin bıylǵy jahandyq dop dodasyna álemniń 32 quramasy qatysady.

Dohada tartylǵan álem birin­shi­liginiń jerebesine sáıkes 32 qurama tórt-tórtten segiz topqa bólindi. Je­rebe qorytyndysy mynadaı:

A toby: Qatar, Nıderland, Senegal, Ekvador;

B toby: Anglııa, AQSh, Iran, Ýkraı­na/Shotlandııa/Ýels;

C toby: Argentına, Meksıka, Pol­sha, Saýd Arabııasy;

D toby: Fransııa, Danııa, Týnıs, BAÁ/Aýstralııa/Perý;

E toby: Ispanııa, Germanııa, Japo­nııa, Kosta-Rıka/Jańa Zelandııa;

F toby: Belgııa, Horvatııa, Marokko, Kanada;

G toby: Brazılııa, Shveısarııa, Ser­bııa, Kamerýn;

H toby: Portýgalııa, Ýrýgvaı, Oń­tús­tik Koreıa, Gana.

Álem chempıonatynyń fınaldyq kezeńine joldama beretin irikteý keze­ńiniń nátıjesi boıynsha qazirgi ýaqytqa deıin Qatarǵa baratyn 29 qurama belgili. Al qalǵan úsh joldamanyń taǵdyry maýsym aıynda sheshiledi. Ýkraına quramasy eldegi jaǵdaıǵa baılanysty Eýropa aımaǵyndaǵy elektik kezdesýin áli ótkizgen joq. Andreı Shevchenkonyń izbasarlary aldaǵy ýaqytta Shotlandııa quramasymen kezdesedi. Al bul juptyń jeńimpazy Ýels fýtbolshylarymen joldamany sarapqa salady. Úshtiktiń arasynan úzdik shyqqany álem chempıonatynda Anglııa, AQSh, Iranmen V tobynda oınaıdy.

Ekinshi joldamaǵa Kosta-Rıka men Jańa Zelandııa quramalary talas júrgizedi. Jeńiske jetkeni E tobynda Ispanııa, Germanııa jáne Japonııaǵa qarsylas bolady. Al sońǵy úshinshi jol­damany Azııa qurlyǵyndaǵy BAÁ-Aýstralııa juby­nyń jeńimpazy Ońtústik Amerıka ókili Perýmen sarapqa salady. Bul úshtiktiń arasynda top jarǵany Fransııa, Danııa, Týnıspen D tobynda baq synaıdy.

О́kinishke qaraı, bıylǵy álem chempıonatyna byltyrǵy Eýropa chempıony atanǵan Italııa quramasy bara almaıtyn boldy. Olar Eýropadaǵy irikteý kezeńinde óz tobynda ekinshi oryn alyp (bul topta Shveısarııa úzdik shyqty), qosymsha irikteý jarysyna qatysýǵa múmkindik aldy. Alaıda elektik kezdesýde olar Soltústik Makedonııadan jeńilip, álem chempıonatynyń joldamasynan qur qaldy.

Italııadan bólek, Eýropadan Shvesııa, Grekııa, Túrkııa, Norvegııa, Majarstan quramalary da joldama ıelene almady. Al FIFA Reseı qura­masyn álem chempıonatynyń irik­teýinen shettetken bolatyn. Sony­men qatar Mysyr, Nı­gerııa, Aljır, Kot-d’Ivýar, Kolým­bııa, Chılı, Qytaı jáne taǵy basqa da qura­malar álem chempıo­natyna shyǵa alma­dy.

Aıta keteıik, Qazaqstan quramasy 2022 jylǵy álem chempıonatynyń irikteý kezeńiniń D tobynda Fransııa, Ýkraına, Bosnııa jáne Gersegovına, Fınlıandııamen birge óner kórsetip, úsh upaımen sońǵy orynǵa turaqtady.

Sońǵy jańalyqtar

Suıytylǵan gaz baǵasy óspeıdi

Qoǵam • 01 Shilde, 2022

Uqsas jańalyqtar