Qazaqstandyq bankterdiń qaryz alýshylary nesıelerin jıi keshiktirip tóleıtin boldy. Merzimi ótken nesıelerdiń jalpy kólemi sońǵy 3 aıda ósken. 2022 jylǵy 1 naýryzdaǵy jaǵdaı boıynsha olardyń jalpy kólemi 1 trln 369,8 mlrd teńgeni qurady. Bul 2021 jyldyń kókteminen bergi eń joǵary kórsetkish.
«Biraq bankterdiń nesıelik portfeli de jyldam ósýde. 2022 jylǵy 1 naýryzdaǵy jaǵdaı boıynsha kórsetkish 6,75%. 2021 jyldyń qazan aıynyń basynda dál osyndaı deńgeıde boldy», – dep habarlady bıýro.
90 jáne odan da kóp kún keshiktirilgen nesıelerdiń kólemi artyp keledi. Ol jyl basynan beri ulǵaıyp, naýryz aıynyń basynda 706,4 mlrd teńgeni qurady.
Jalpy ósip kele jatqan nesıe portfeliniń aıasynda bul kórsetkish tómen bolyp kórinedi: NPL 90+ úlesi 3,48%-dy quraıdy.
