Damýshy naryqtar valıýtalarynyń serpini kóbine oń boldy. Syrtqy valıýta naryǵynda mańyzdy birqatar oqıǵa oryn aldy. Reseı men Ýkraına kelissózderi onlaın formatta jalǵasýda, eki jaq ta barlyq tarap boıynsha ilgerileý baryn atap ótti. AQSh-tyń strategııalyq qordan táýligine 1 mln barrel munaı jibergisi keletini, sondaı-aq uńǵymalar sanyn kóbeıtý týraly málimdemesinen keıin munaı teris serpin kórsetýin jalǵastyrýda.
Damýshy elderde AQSh dollaryna qatysty valıýtalar baǵamynyń serpini tómendegideı qalyptasty:
- Reseı rýbli Reseı-Ýkraına kelissózderindegi ilgerileý, RF-nyń gaz jetkizilimine rýblmen aqy tóleý talabyn engizý jáne RF Ortalyq bankiniń kapıtaldy áketýge shekteý qoıýy aıasynda 16,5%-ǵa (102,29-dan 85,42-ge deıin) nyǵaıdy;
- Brazılııa realy syrttan ákelingen sheteldik kapıtaldyń áserimen 1,7%-ǵa (4,74-ten 4,66-ǵa deıin) nyǵaıdy;
- túrik lırasy S. Kavchıoglynyń qarjy júıesin lıralandyrý arqyly baǵany turaqtandyrýǵa tyrysatyny týraly sóılegen sózinen soń 1%-ǵa (14,84-ten 14,69-ǵa deıin) nyǵaıdy;
- Meksıka pesosy AQSh qazynashylyq oblıgasııalary kiristiliginiń tómendeýinen 0,9%-ǵa (20,03-ten 19,85-ke deıin) nyǵaıdy;
- úndi rýpııasy munaı baǵasy tómen belgilengendikten 0,6%-ǵa (76,21-den 75,79-ǵa deıin) nyǵaıdy;
- Indonezııa rýpııasy kórsetkishterdiń 2-4% nysanaly aralyqta bolýyna qaramastan, ınflıasııanyń eki jyldyq eń joǵary shegine (tutyný baǵasy 2,64%-ǵa ulǵaıdy) deıin qarqyn alýy aıasynda 0,2%-ǵa (14346-dan 14370-ke deıin) álsiredi;
- Ońtústik Afrıka randy Qarjy mınıstri E. Godongvannyń strategııalyq munaı qorlaryn satý esebinen otyn baǵasyn kezeń-kezeńimen kóterý maqsatynda otynǵa salynatyn jalpy salyqty tómendetý (bir lıtr úshin 1,5 randqa) týraly málimdemesi aıasynda 0,8%-ǵa (14,54-ten 14,66-ǵa deıin) álsiredi.
.jpg)
Sýretti úlkeıtý
.jpg)
