– Saılaýdaǵy jeńisińiz – otandastaryńyzdyń Sizge jáne О́zińiz basqaryp otyrǵan partııanyń Majarstannyń saıası-ekonomıkalyq turaqtylyǵyn qamtamasyz etýge, azamattarynyń yrys-berekesin eseleýge jáne onyń halyqaralyq bedelin nyǵaıtýǵa baǵyttalǵan saraly saıasatyńyzǵa kórsetken keń qoldaýynyń aıǵaǵy ekeni sózsiz. Otanyńyzdyń múddesi men jarqyn bolashaǵy úshin sińirip júrgen qajyrly eńbegińizge, qolǵa alǵan tyń bastamalaryńyz ben mańyzdy josparlaryńyzǵa sáttilik árqashan serik bolýyna tilektestigimdi bildiremin, – dep jazylǵan quttyqtaý jedelhatta.
Memleket basshysy Qazaqstan men Majarstan arasyndaǵy mazmundy saıası dıalog pen dástúrli dostyqtan serpin alatyn strategııalyq áriptestik birlesken kúsh-jigerimiz ben úkimetterimiz deńgeıindegi belsendi baılanystardyń arqasynda odan ári bekı túsetinine kámil senimdi ekenin jetkizdi.
– Osy tusta, qazaq-majar yqpaldastyǵynyń bıik qarqynyn saqtaýǵa erekshe mán bere otyryp, san qyrly baǵyttardaǵy is-árekettestigimizdi kúsheıtý joldaryn talqylaý maqsatynda, ózara qolaıly ýaqytta Sizdi Qazaqstanǵa resmı saparmen kelýge shaqyramyn, – delingen Prezıdenttiń quttyqtaýynda.
Qasym-Jomart Toqaev Majarstan Premer-mınıstriniń asa jaýapty qyzmetine tolaǵaı tabystar, al baýyrlas majar halqyna mol baqyt pen qut-bereke tiledi.
