– Saılaýdaǵy aıqyn jeńisińiz – otandastaryńyzdyń Sizge jáne Serbııanyń damýyn baıandy etýge, azamattarynyń ál-aýqatyn eseleýge jáne halyqaralyq sahnadaǵy bedelin arttyrýǵa baǵyttalǵan saraly saıasatyńyzǵa kórsetken keń qoldaýynyń aıǵaǵy ekeni sózsiz. Osy rette, Sizdiń basshylyǵyńyzben elińiz odan ári órkendep, mereıi árqashan ústem bolýyna tilektespin, – delingen jedelhatta.
Qazaqstan Prezıdenti eki el arasyndaǵy ózara tıimdi yntymaqtastyqqa negizdelgen mazmundy saıası dıalog pen saýda-ekonomıkalyq baılanystardyń aıasy jyldan-jylǵa keńeıip kele jatqanyn zor rızashylyqpen atap ótti. Sondaı-aq áleýeti zor yntymaqtastyqty odan ári órkendetý úshin Serbııa Prezıdentimen birlese kúsh jumyldyrýǵa daıyn ekenin rastady.
Memleket basshysy serbııalyq áriptesine sarqylmas kúsh-qýat, asa jaýapty qyzmeti men qolǵa alǵan tyń bastamalaryna tolaǵaı tabys, al dostas serb halqyna mol baqyt, qut-bereke tiledi.
