Shtabtyń málimetinshe, 6 sáýir kúni tańǵy saǵat 6:00-de Túrksib aýdanynda josparly jattyǵýlar bastaldy. Tártip saqshylary Spasskaıa kóshesiniń boıynda ornalasqan №67 úıde jattyǵý jasap, sheberlikterin shyńdap jatyr. Lańkestikke qarsy oqý-jattyǵýlar saǵat 12:00-ge deıin ótedi.
«Oqý-jattyǵýdyń maqsaty - adam kóp shoǵyrlanǵan jerlerde lańkestik qaýip tóngen jaǵdaıda ózara árekettesý daǵdylaryn damytý. Oqytý tapsyrmalary lańkestktiń jolyn kesý tetigin jetildirýge baǵyttalǵan.
Oqý-jattyǵýlardy ótkizý kezeńinde shekteýler qoıylatynyn habarlaımyz. Osyǵan baılanysty azamattardy bolyp jatqan oqıǵalarǵa túsinistikpen qaraýǵa, qaýipsizdik sharalaryn saqtaýǵa jáne oqý-jattyǵýlardy ótkizýge tartylǵan memlekettik qyzmetkerlerdiń zańdy talaptaryn oryndaýǵa shaqyramyz», dep habarlady Terrorızmge qarsy kúres qaýymdastyǵy.
