Tabıǵı monopolııalardy retteý komıteti qubyr ónimderin óndirý jónindegi zaýyttyń ótinishi negizinde, «KEGOC» AQ-na qatysty jospardan tys tekserý júrgizgen. Tekserý qorytyndysy boıynsha tutynýshylardyń rettelip kórsetiletin qyzmetke qoljetimdiligi bóliginde QR Tabıǵı monopolııalar týraly zańnamasy talaptarynyń buzylýy anyqtaldy.
«KEGOC» AQ-na qatysty QR Ákimshilik quqyq buzýshylyq týraly kodeksiniń 164-babynyń 4-shi bóligi boıynsha ákimshilik quqyq buzýshylyq týraly hattama toltyryldy, ol sýbektiniń ótinishi boıynsha sottyń qaraýyna berildi.
«Ákimshilik is TMRK paıdasyna qaralǵan jaǵdaıda, «KEGOC» AQ-na 4 900 800 teńge kóleminde ákimshilik aıyppul salynady», delingen habarlamada.
