University of Arizona Shanhaı reıtıngisinde (ARWU) 101-150, Times Higher Education-da 124 orynda.
2021 jyly Bilim jáne ǵylym mınıstrligi, University of Arizona jáne M. Qozybaev atyndaǵy Soltústik Qazaqstan ýnıversıteti arasynda yntymaqtastyq týraly memorandýmǵa qol qoıyldy.
Kezdesý barysynda sondaı-aq qazaqstandyq joǵary oqý ornyn University of Arizona senimdi basqarýyna berý máseleleri qaraldy.
О́ńirlik ýnıversıtettiń básekege qabilettiligin arttyrý úshin bilim berý prosesinde University of Arizona-nyń úzdik tájirıbeleri qoldanylatyn bolady.
Osylaısha, yntymaqtastyq sheńberinde University of Arizona modeli boıynsha bilim berý baǵdarlamalary ázirlenedi.
Qazaqstandyq stýdentter úshin qos dıplom alý múmkindigi beriledi: qazaqstandyq JOO jáne Universitý of Arizona. Akademııalyq utqyrlyq baǵdarlamalary belsendi damıtyn bolady.
Vıse-Premer óz sózinde Bilim jáne ǵylym mınıstrligine jáne basqa da ýákiletti memlekettik organdarǵa barlyq qajetti uıymdastyrý jumystaryn júrgizýdi jáne osy jyldyń qyrkúıeginde SQÝ-da Arizona ýnıversıteti fılıalyna stýdentterdi alǵashqy qabyldaýdy júzege asyrýdy tapsyrdy.
Sheteldik professorlardy, sondaı-aq jetekshi otandyq ǵalymdardy tartý josparlanýda.
Bul óńirlik joǵary oqý oryndary bazasynda ozyq ǵylymı zertteýler men halyqaralyq jobalardy júrgizýge múmkindik beredi. Bul bastama joǵary bilim berýdi ınternasıonaldandyrýdy keńeıtýge jáne óńirde ósý oryndaryn qalyptastyrýǵa yqpal etetin bolady.
Aıta ketsek, University of Arizona – 136 jyldyq tarıhy bar qoǵamdyq ǵylymı-zertteý ýnıversıteti. «Karnegı klassıfıkasııasy» boıynsha ýnıversıtet R1 sanatyna jatady, ıaǵnı bul zertteý qyzmetiniń joǵary deńgeıindegi ýnıversıtet.
