Kelissózderdiń negizgi taqyryby elimizdiń ońtústiginde ýran óndiretin KATCO birlesken qazaqstandyq-fransýz kásipornynyń jumysyna arnaldy. Sıfrlandyrýdy barynsha jetildirip, sheshim qabyldaý prosesin jeńildetý qajettiligi atap ótildi. Orano aımaqta KATCO ónerkásiptik nysandaryn paıdalaný úshin 12 MVt kún elektr stansııasyn salýdy usynady. Bul «Samuryq-Qazyna» AQ tómen satyly kómirtekti ıgerýge arnalǵan josparyna tolyq keletin joba.
Sonymen qatar taraptar kúkirt qyshqylyn óndirý jobasyn júzege asyrý perspektıvalaryn, sondaı-aq Oranonyń sheteldik jobalaryna birlesken ınvestısııa tartý múmkindikterin de talqylady.
Fransýz tarapy Qazaqstanda taza energııa kózi retinde atom elektr stansııasyn salý josparyna úlken qyzyǵýshylyq tanytty.
«Qazir bul bastama pysyqtalýda, sońǵy sheshim áli qabyldanǵan joq. Qalaı bolǵanda da, biz energııa kózderin ártaraptandyrýǵa jáne teńgerimdi energetıkalyq turaqtylyqty qurýǵa nıettimiz. Maqsatymyz ıadrolyq qana emes, sonymen birge gaz jáne jańartylatyn qýat kózderin damytý», dep atap ótti «Samuryq-Qazyna» AQ Basqarma tóraǵasy Almasadam Sátqalıev.
