Atap aıtqanda, obektilerdiń aýmaǵynda bilim berý prosesimen fýnksıonaldyq baılanysy joq ǵımarattar men qurylystardy ornalastyrýǵa jol berilmeıdi.
Sondaı-aq ózgerister bilim berý uıymyn ystyq sýmen jabdyqtaýǵa, jyly sanıtarlyq toraptardy jabdyqtaýǵa da qatysty.
«Ortalyqtandyrylǵan ystyq sýmen jabdyqtaý júıesi bolmaǵan jaǵdaıda sý jylytqyshtar ornatylady. Ystyq jáne sýyq sý barlyq vannalarǵa, sebezgi bólmelerine, kir jýatyn oryndarǵa, qol jýǵyshtarǵa, onyń ishinde sanıtarııalyq toraptarda, tamaqtaný zaldarynda, medısınalyq maqsattaǵy úı-jaılarda, sondaı-aq as blogyndaǵy aralastyrǵyshtar ornatylǵan tehnologııalyq jabdyqtarǵa júrgiziledi. Sýmen jylytý júıesindegi ystyq sýdy tehnologııalyq jáne sharýashylyq-turmystyq maqsattar úshin paıdalanýǵa jol berilmeıdi», delingen qujatta.
Bul rette, jobalanǵan, salynyp jatqan jáne rekonstrýksııalanyp jatqan bilim berý obektilerinde kárizdendirilmegen jáne ishinara kárizdendirilgen jerde sanıtarııalyq toraptar, onyń ishinde jyly sanıtarııalyq toraptar obektiler ǵımaratynda ornalasýy tıis.
Buıryq 2022 jylǵy 6 maýsymnan bastap qoldanysqa engiziledi.
