«BAQ-ta shıkizat tapshylyǵyna baılanysty keıbir un tartý kásiporyndarynyń qyzmetin toqtata turý týraly birqatar jarııalanymdar tarady. Birden astyq tapshylyǵy joq degen habardan bastaǵym keledi. Respýblıkada astyq qory jetkilikti mólsherde», dedi QR Aýyl sharýashylyǵy birinshi vıse-mınıstri Aıdarbek Saparov.
Onyń málimetinshe, elimizde 6,4 mln tonna astyq bar. Bul kólem ishki qajettilikterdi qamtamasyz etý, sondaı-aq astyqtyń bir bóligin eksportqa jiberý úshin jetkilikti.
«Aıta ketsek, biz jyl saıyn shamamen 3 mln tonna un óndiremiz, bul kólemniń jartysy eksportqa jiberiledi. Ishki naryqta tapshylyqtyń týyndaýyn jáne un tartý kásiporyndarynyń júktelýin boldyrmaý maqsatynda vedomstvoaralyq komıssııa 2022 jylǵy 1 sáýirden bastap 15 sáýir men 15 maýsym aralyǵynda bıdaı men un eksportyna kvotalaýdy engizý týraly sheshim qabyldady. Bıdaı kvotasynyń kólemi – 1 mln tonna, unǵa - 300 myń tonna», dep túsindirdi Aıdarbek Saparov.
Budan basqa, ishki naryqtaǵy naqty jaǵdaıdy baǵalaý úshin vedomstvo Strategııalyq josparlaý jáne reformalar jónindegi agenttiktiń Ulttyq statıstıka bıýrosymen jáne jergilikti atqarýshy organdarmen birlesip óńirlerde bıdaıdyń bar-joǵyn túgendeý boıynsha jumys júrgizýde.
«Unǵa keletin bolsaq, 7 sáýirdegi jaǵdaı boıynsha qorlar 118 myń tonnany quraıdy, onyń ishinde 10 myń tonna – turaqtandyrý qorlarynda, 22 myń tonna – aınalym shemasy sheńberinde, 48 myń tonna – óndirýshilerde, shamamen 20 myń tonna – qoımalarda jáne 18 myń tonna - saýda obektilerinde. Kórsetilgen kólem ishki qajettilikterdi qamtamasyz etý úshin jetkilikti. Sonymen qatar, «Azyq-túlik korporasııasynyń» resýrstarynda 800 myń tonnadan astam astyq bar, olar qajet bolǵan jaǵdaıda turaqtandyrý úshin ishki naryqqa jiberiletin bolady», dep Naqtylady Aıdarbek Saparov.
