Úkimet otyrysynda E. Jamaýbaev respýblıkalyq bıýdjet boıynsha tórt trıllıon teńgege jýyq shyǵyn jumsalǵanyn aıtty.
«Oryndalmaǵan qarjy 20 mıllıard teńge, onyń 5 mıllıard teńgesi - únemdeý. 15 mıllıard teńge ıgerilmedi. Igerilmegen qarjynyń eń kóp kólemi densaýlyq saqtaý, mádenıet jáne sport, syrtqy ister, ekologııa, geologııa jáne tabıǵı resýrstar mınıstrlikterinde», dedi ol.
Mınıstrdiń aıtýynsha, bıýdjetti ıgermeýdiń negizgi sebepteri: sharttar jasasýdyń uzaq merzimdi rásimderi, tólemniń negizdiligin rastaıtyn qujattardyń bolmaýy nemese usynylmaýy, qazynashylyq organdaryna tóleýge beriletin shottardy kesh usyný, oryndalǵan jumystardyń aktilerin, shot-faktýralardy ýaqytyly usynbaý, memlekettik satyp alý boıynsha ótkizilmegen konkýrstar, qarajatty jumsaý qajettiliginiń bolmaýy.
Aıana Toǵanbek
