Aımaqtar • 12 Sáýir, 2022

Meshitterde urlyq jasaǵan er adam ustaldy

62 ret kórsetildi

Buǵan deıin sottalǵan jas jigit Almaty oblysynda meshitke kelgenderdi tonap ketken, dep habarlaıdy Egemen.kz.

Aımaq polısııasynyń málimetinshe, aqpan aıynyń sońynan Tuzdybastaý, Gúldala, Qyzyl tý jáne Panfılov kentterinde ornalasqan meshit qyzmetkerlerinen shaǵymdar túse bastaǵan. Qorǵanys maskasyn qoldanǵan qylmyskerdiń áreketin kóshedegi beınebaqylaý kamerasy túsirgen. Búgingi tańda kúdiktiniń 16 urlyqqa qatysy bar ekendigi dáleldendi.

«Kúdikti keshki namaz ýaqytyn paıdalanyp, kelgen adamdardyń qolma-qol aqsha, uıaly telefondar men qundy zattaryn urlaǵan. Sonymen qatar meshit qasyndaǵy avtokólikterdiń áınegin syndyryp, tonap ketken. Qylmysker Esik qalasynyń 25 jastaǵy turǵyny ekeni anyqtaldy. Ol buryn da urlyq jasaǵany úshin jaýapqa tartylǵan. Qazir ustalǵan azamat óńir aýmaǵyndaǵy basqa da osyǵan uqsas urlyqtarǵa qatysy bar-joǵy tekserilýde», dedi Talǵar aýdandyq polısııa bastyǵynyń orynbasary Andreı Býrıanskıı.

Tergeý kezinde kúdikti qamaýda bolady.

Aıana Toǵanbek

 

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar