«Biz jergilikti atqarýshy organdardyń sáýlet, qala qurylysy jáne qurylys qyzmeti salasyndaǵy qyzmetin baqylaýda ustaımyz. Máselen Almatydaǵy turǵyn úı kesheniniń qurylysy zańsyz júrgizilgen. Ruqsat berý qujattaryn ýchaskeniń menshik ıesi de, qurylys salýshy da usynǵan joq. Bul turǵyn úı keshenindegi páterler qurylys salýshynyń aıaqtalmaǵan obektide páterlerdi satyp alý-satý sharttaryn jasasýǵa quqyǵy bolmaǵanyna qaramastan belsendi satyldy. Sondaı-aq qurylys salýshynyń úleskerlerden qarajat tartýǵa ruqsaty bolmaǵan», dedi Q. О́skenbaev.
Onyń aıtýynsha, atalǵan turǵyn úıdiń qurylysy toqtatylyp, «Turǵyn úı qurylysyna úlestik qatysý týraly» zańdy buzǵany úshin qurylys salýshyǵa qatysty hattama jasaldy.
Qaıyrbek О́skenbaevtyń aıtýynsha, qańtar-naýryz aılarynda mınıstrliktiń beıindi komıteti 32 tekserý júrgizip, 26 nusqama bergen. Tekserý náitıjeleri boıynsha, 18 laýazymdy tulǵa ákimshilik jaýapkershilikke tartyldy.
