Qazaqstan • 14 Sáýir, 2022

Qytaıda uzaq aıaldaǵan júkter

23 ret kórsetildi

Qytaı aýmaǵynda júk konteınerleri uzaq ýaqyt boıy turyp qalatynyn otandyq bıznesmender 2020 jyldan beri aıtyp júr. Olar júkterin tezirek aldyrtý úshin «Atameken» ulttyq kásipkerler palatasynan da kómek suraǵan.

Aıtalyq, Subaru Kazakhstan JShS konteıner­leri Qytaı aýmaǵynda 5 aı boıy turyp qalǵan. Júkterdiń keshigýi kompanııa úshin qo­symsha shyǵyn ekeni belgili.

«Bizdiń kompanııa kólikke arnalǵan sapaly bólshekter­di Japonııadan satyp alady. Alaıda jolda Qytaımen shekarada júk konteınerlerimiz uzaq turyp qalyp jatyr. Osy­ǵan baılanysty qarjylaı shyǵyn­darymyz da ósti. Bul jaıt tehnıkanyń bastapqy qunyna da keri áserin tıgizedi. О́zimiz Subaru-dyń resmı dıstrıbıýtory ári zaýyttyń atynan kepildik bergendikten qosalqy bólshekterdi jetkizýdegi kez kelgen kidiris klıentterimizdiń aldyndaǵy mindettemelerimizdi buzýmen para-par», dedi Subaru Kazakhstan JShS dırektory Aqylbek Anarbaev.

«Atameken» ulttyq kásip­kerler palatasynyń aralasýy­men byltyrdan beri Qytaı aýmaǵynda turyp qalǵan qazaq­standyq 1 300-ge jýyq konteıner elge kelgen.

«Qazirgi kezde Qytaı 45 konteınerdi Lıanıýngan porty­nan shyǵarý jónindegi jos­parǵa qosty, taǵy 96 konteı­ner Qazaqstan shekarasyna jol tartty», delingen baspasóz habarlamasynda.

«Atameken» UKP maman­dary­nyń aıtýynsha, Qytaıdan júk tıelgen konteınerler elge kele jatyr. Ulttyq palata osy turyp qalǵan júkter týra­ly derekterdi 2021-2022 jyl­dar aralyǵynda salalyq vedomstvo­lar men «Qazaqstan temir joly» kompanııasyna habarlaǵan.

«Qazir biz oń dınamıkany baıqap otyrmyz. Ulttyq palata 1 342 konteıner týraly derekteri bar taǵy bir tizim­di jiberdi. Sol tizimdegi júkterdiń turyp qalý merzimi tym uzaryp ketken. Shekarada 1-den 4-ke deıin konteıneri bar shaǵyn jáne orta bıznes sýbektileriniń júkteri 6-7 aıdan  beri Qytaı aýmaǵynda tur. Bul tizimdegi júkterdi de el­­ge tezirek qaıtarýǵa kúsh salyp jatyrmyz», deıdi «Ata­me­ken» UKP Tóralqa tór­aǵasy Raıym­bek Batalov.

Bıyl Ulttyq kásipkerler palatasy Úkimetpen birlesip, konteınerlerdi jóneltýdi jedel­detý tetikterin ázirledi: Pa­­lata turyp qalǵan konteı­ner­ler týraly derekterdi QTJ, In­dýstrııa jáne ınf­r­a­qury­lym­dyq damý mı­nıstrligi jáne Syrtq­y ister mınıstr­ligi­ne jibe­redi. Memleket­tik organ­dar Qy­taı tarapy­men qozǵa­lys jos­paryna Qazaq­stan konteıner­lerin engizý múmkin­digin jan-jaq­ty qarastyrýdy qolǵa almaq.

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar