Memleket basshysyna Azııadaǵy ózara is-qımyl jáne senim sharalary jónindegi keńes Hatshylyǵynyń qazirgi jumysy týraly málimet berildi. Bıylǵy 12-13 qazanda Qazaqstan astanasynda ótetin AО́SShK-niń VI sammıtine daıyndyq barysyna basa mán berildi.
Kezdesýde AО́SShK-ni Azııadaǵy yntymaqtastyq jónindegi tolyqqandy halyqaralyq uıymǵa aınaldyrýdyń perspektıvalary talqylandy. Osy mańyzdy mindetti júzege asyrý – Qazaqstan tóraǵalyǵynyń basymdyǵy.
Qaırat Sarybaı Qasym-Jomart Toqaevqa sammıt qarsańynda Keńeske múshe memleketterdiń syrtqy ister vedomstvolarynyń basshylarymen ótkizgen kezdesýleri týraly baıandady.
Sonymen qatar dıplomat Uıymnyń jumysyndaǵy ekonomıkalyq ólshemdi jandandyrý máselesine toqtalyp, Jastar keńesiniń otyrysyn, sondaı-aq maýsym aıyna josparlanǵan «Astana Financial Days» halyqaralyq konferensııasy aıasynda AО́SShK Iskerlik keńesi men bıznes forýmyn ótkizýge qoldaý kórsetkeni úshin Prezıdentke alǵys bildirdi.
Memleket basshysy Qazaqstannyń atalǵan Keńeske tóraǵalyǵynyń basymdyqtaryn tıimdi júzege asyrýdyń mańyzdy ekenin atap ótti. Sondaı-aq aldaǵy sammıt nátıjesi boıynsha qabyldanatyn qorytyndy qujat jobasyn muqııat ázirleý qajettigin aıtty.
