Komıtet tóraǵasy Muhtar Qul-Muhammed Birikken Ulttar Uıymy barlyq elderdi tolǵandyratyn problemalarǵa tıimdi jaýap beretin erekshe uıym ekenin atap ótti.
«Qazaqstan BUU DB-nyń Nur-Sultandaǵy keńsesiniń aýqymdy úlesin joǵary baǵalaıdy. Biz yntymaqtastyqty odan ári nyǵaıtýǵa, atap aıtqanda, taıaýdaǵy bes jylǵa damý maqsaty aıasynda BUU-nyń eldik áriptestik jónindegi jańa Negizdemelik baǵdarlamasyn tabysty júzege asyrýǵa múddelimiz», dedi senator.
Taraptar Qazaqstan Parlamentiniń Ornyqty damý maqsattaryn iske asyrýdaǵy rólin talqylady. Senator Qul-Muhammed ulttyq baǵdarlamalardyń 80%-y ODM-ǵa sáıkes keltirilgenin, ıaǵnı elimizdiń strategııalyq qujattaryna kiriktirilgenin aıtty. Depýtat bul Qazaqstandy álemniń damýyna óz úlesin qosatyn álemdik qoǵamdastyqtyń ajyramas bóligi retinde sıpattaıtynyn atap ótti.
Muhtar Qul-Muhammed sonymen qatar EQYU Parlamenttik Assambleıasyna qarar jobasyn ázirleý jospary týraly aıtyp berdi. Onda EQYU-ǵa múshe elderdiń 2030 jylǵa deıingi kezeńge damý salasyndaǵy kún tártibi boıynsha mindettemelerdi oryndaý jáne Ornyqty damý maqsattaryn iske asyrýdyń mańyzy atap ótiletin bolady.
Vıtalıı Vremısh óz kezeginde bizdiń elmen yntymaqtastyqtyń joǵary deńgeıi men ulttyq qujattardyń Ornyqty damý maqsattaryna kiriktirilgenin aıta kelip, el Prezıdenti Qasym-Jomart Toqaevtyń buryn aıtylǵan saıası bastamalary BUU-nyń Ornyqty damý salasyndaǵy yntymaqtastyq jónindegi Negizdemelik baǵdarlamasymen sáıkes keletinine toqtaldy.
Sóziniń sońynda ol adamnyń damýy men onyń quqyqtary, genderlik teńdik jáne ekologııalyq turaqtylyq sııaqty taqyryptaǵy baǵyttardy iske asyrýdy kózdeıtin qarar jobasyn birlesip ázirleýge daıyn ekenin aıtty.
