Qoǵam • 15 Sáýir, 2022

Qarjy pıramıdasy: Alaıaqtyq azaımaı tur

327 ret kórsetildi

Alaıaqtyqtyń alýan túrin meńgerip alǵan toptar aıylyn jııar emes. «Ańqaý elge aramza molda» bolyp júrgender qaqpanǵa túsetin qurbandaryn tańdap, qarapaıym halyqty aldap, olardyń soqyr tıynyna deıin ıemdenip ketip júr.

О́tirikti sýdaı sapyryp, áleý­metti ábigerge salǵan qarjy uıym­darynyń arbaýyna túskender qansha qarjysynan aıyryldy? Qarjy pıramıdalarynan zardap shekken jábirlenýshilerdiń sany qanshaǵa jetti? Qylmystyq iske qatysy bar uıymdardy ne kútip tur? Ortalyq kommýnıka­sııa­lar qyzmeti alańynda ótken bas­pasóz máslıhatynda IIM Ter­geý departamentiniń basshysy Sanjar Ádilov qoǵamdy tolǵan­dyrǵan máseleniń mánisine úńildi.

«О́tken jyly elimiz boıynsha qarjy pıramıdalarynyń qurbany retinde 31 myńnan astam azamat tirkeldi. Olarǵa 54 mlrd teńgeden astam qarjy kóleminde zalal keltirilgen. Búgingi tań­da ishki ister organdarynyń óndi­risinde osy sanattaǵy 65 qyl­mystyq is bar, 3 myńnan astam adam jábirlenýshi bolyp tanyldy», dedi IIM ókili baspasóz más­lıhatynda sóılegen sózinde.

Sanjar Ádilovtiń máli­metinshe, sońǵy jyldary qyl­mys­kerlerdiń qyzmeti ekono­mı­kalyq belsendiliktiń joǵary­laýymen, sondaı-aq halyqtyń ınvestısııalarǵa qyzyǵýshylyq tanyta bastaýymen baılanysty bolyp tur.

«Saıttardy buǵattaý, uıym­das­tyrýshylardy, fılıaldardy, qurylymdyq bólimshelerdi ornatý sekildi sharalardyń nátıjesinde 180-nen astam qar­jylyq ınvestısııalyq kompa­nııa men fırmanyń qyzmeti toq­tatyldy.138 adam qylmystyq ja­ýapkershilikke tartylyp, olardyń 50-i sottaldy, qalǵandaryna qa­tysty sot talqylaýy júrip jatyr», deıdi spıker. Sondaı-aq ol blogerlerdiń de qarjylyq pıramıda qyzmetine belsendi qatysatynyn atap ótti.

Osyǵan oraı S.Ádilov Astex.kz, ACD Technology jáne Muda­rabah Capital JShS-lary qarjy­lyq pıramıdalar jelisiniń qyz­metinen zardap shekken jábir­le­nýshilerdiń ótinishteri jáne Ishki ister mınıstrligi ǵımara­tynyń mańyndaǵy jábirle­nýshimen bolǵan oqıǵaǵa qatysty arnaıy málimdeme jasady. «Bul qarjy pıramıdalary ózderin ústeme tabysty ınves­tısııalar salasyndaǵy tabysty uıym­dar retinde jarnamalap kelgen. Azamattardyń qarajatyn tar­tý úshin qylmyskerler ynty­maq­tastyq týraly sońǵy keli­simsharttar jasasyp, qara­jat memlekettik satyp alýǵa qaty­sý úshin jiberilip otyrǵan. Kórse­tilgen qyzmetten salymshylarǵa aı saıyn 20 paıyzǵa deıin dıvıdendter tóleýge ýáde etilgen», deıdi spıker.

Alaıda is júzinde Astex.kz jáne ACD Technology JShS-lary memlekettik satyp alýǵa qa­tyspaı, ınvestorlarǵa dıvıdendter jańa salymshylardyń jarnalary esebinen tólenip kelgen. «Bul rette túsetin qarjy kólemin ulǵaıtý maqsatynda joǵaryda atalǵan qarjy pıramıdalarynyń qyzmetine belgili blogerler jarnama jasaý úshin tartyldy. Qazirgi ýaqytta osy seriktesterdiń ústi­nen qylmystyq is qozǵalyp, biraz aýqymdy jumys atqaryldy. Kóp­tegen ekonomıkalyq, býhgal­terlik sot saraptamasy taǵ­a­ıyndaldy», dep málimdedi departament qyzmetkeri.

Jábirlenýshilerge keltirilgen materıaldyq zalaldy óteý maq­satynda tergeýshi kúdiktiler men olardyń týystaryna tirkel­gen Almaty, Nur-Sultan qalala­rynda jáne Almaty oblysynda ornalasqan múlikke (4 jer ýchas­kesi, 10 páter, 5 jeke úı, 2 avtomobıl, 1 dúken jáne kompanııanyń barlyq esep aıyrysý shottaryna) tyıym salǵan. Tyıym salynǵan múliktiń taǵdyryn sot sheshedi. Osy qylmystyq is sheńberinde 14 adam kúdikti dep tanyldy.

«Elge tanymal úsh bloger – Meıirjan Tórebaev, Meıirhan Shernııazov jáne Ázim Saıdbaev osy qylmystyq is boıynsha kúdik­ti dep tanyldy, ekeýine qatysty «kepil» túrindegi bultartpaý sharasy qoldanylsa, bireýi kúzetpen ustaldy», deıdi Sanjar Ádilov.

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar