Ekonomıka • 15 Sáýir, 2022

Halyqaralyq valıýta qory ózgeristerdi oń baǵalady

65 ret kórsetildi

Halyqaralyq valıýta qory Qazaqstannyń qazirgi ornyqty fıskaldyq jaǵdaıy, syrtqy rezervteriniń edáýir kólemi jáne pandemııaǵa der kezinde toıtarys berýi syrtqy kúızelisterdi absorsııalaýda jáne keıinnen ekonomıkalyq belsendilikti qalpyna keltirýde mańyzdy ról atqardy dep sanaıdy. Osyndaı oń ózgerister arqyly byltyr IJО́ naqty 4 paıyzǵa kóbeıip, ekonomıkanyń ósý traektorııasy pandemııaǵa deıingi kezeńge oraldy. Bul týraly Ulttyq bank habarlady.

Kollajdy jasaǵan Záýresh SMAǴUL, «EQ»

Qazirgi geosaıası shıelenis jaǵ­­­daıynda Reseıge qatysty sank­sııalardyń qaıtalama áseri Qazaqstannyń ekonomıkalyq ósýine áser etetini jáne 2022 jyly ınflıasııalyq qysym­dy kúsheı­teri belgili. Bul jaǵ­daı jal­ǵasyp jatqan pandemııa­men jáne áleýmettik shıele­nis­­tiń kóbeıýimen qatar, eldiń ekonomıkalyq damýyna qatysty negizgi belgisizdikti týdyrady. Osylaısha, HVQ 2022 jyly Qazaqstannyń IJО́-siniń ósýi 2,3 paıyzǵa deıin tómendeıdi dep boljaıdy. HVQ sarapshylary uzaq merzimdi perspektıvada ekonomıkanyń turaqty ósýi ekonomıkalyq ártarap­tan­dyrýdy jáne onyń ishinde klı­mat­tyń ózgerýine baılanysty qa­tań sharalardy qajet etedi dep atap ótti.

HVQ-nyń pikirine qaraǵanda, syrt­­qy turaq­syzdyq pen ı­n­flıa­­sııalyq­ qy­symnyń ­­artýyna baılanysty Ulttyq bank ba­za­lyq mólsherlemeni kóterdi. Bul qajet bolǵan jaǵ­daı­da aqsha-kredıt saıasatyn odan ári qataıtý múm­kindigi týra­ly berilgen sıg­nal bolatyn.

Inflıasııalyq qy­sym men fıskaldyq yntalan­dy­rýdy es­ke­re otyryp, HVQ Ulttyq bank­tiń aqsha-kredıt saıa­satyn ortasha qatań jáne negiz­delgen dep baǵalady. In­f­lıa­sııa 2022 jylǵy aqpanda, negizinen, azyq-túlik baǵasynyń ósýi esebinen 8,7 paıyzǵa jetti. Bul Ulttyq bank belgilegen 4-6 paıyz dáli­zi­nen joǵary. Osy rette HVQ boljamdaryna sáıkes, 2022 jyly ınflıasııa joǵary bolady. Alaıda orta merzimdi perspektıvada onyń 4 paıyz deńgeıine deıin tómendeýi kú­tiledi.

HVQ Ulttyq banktiń ın­flıa­­­sııalyq targetteý saıasa­ty­­­na qoldaý bildirip, ınflıa­sııa­­­lyq ­tar­get­teýdiń ­to­­lyq­­qandy rejimine kóshý, trans­pa­rent­ti­likti jaqsartý, aqsha-kredıt saıa­satynyń táýelsizdigin jáne kommýnıkasııa tıimdiligin art­­tyrý, sondaı-aq ortalyq bank­­tiń tal­damalyq áleýetin da­my­tý jónindegi jumysty oń ba­ǵa­­­laǵan. Atap aıtqanda, HVQ aqsha-nesıe saıasatynyń 2030 jylǵa deıingi strategııasyn atap ótti, onyń negizgi mindeti – ın­flıasııany 2025 jylǵa qa­­raı tómenirek dıapazonǵa deıin aparý. HVQ aqsha-nesıe saıasaty komıtetin qurý, baza­lyq mólsherleme boıynsha sheshimderdi aqparattandyrý jáne túsindirý, valıýtalyq ope­­rasııalardy jarııalaý, son­daı-aq konsýltasııalar men teh­nı­kalyq kómek tartý aıasynda HVQ-men turaqty ekijaqty dıa­log atalǵan oń ózgeristerdiń negiz­gi draıveri bolyp sanalatynyn jetkizdi.

HVQ sarapshylary aqsha-kredıt jáne salyq-bıýd­jet saıa­satyn úılestirýdi jaq­sar­tý ın­flıa­sııany tejeýge de yqpal ete­di dep sanaıdy. Ásirese tuty­ný­­shylyq ne­sıe­niń erekshe qar­qynmen ósip kele jatqanyna nazar aýdarǵan halyqaralyq sarap­shy­lar, qarjylyq turaq­ty­lyq­ty qamtamasyz etý úshin qarjy naryǵyn qadaǵalaý men retteýdi odan ári kúsheıtý kerek deıdi.

Sońǵy jańalyqtar

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

«Real» – Sýperkýbok ıegeri

Fýtbol • Búgin, 08:40

Anderkardta kúsh synasady

Sport • Búgin, 08:37

Shilde aıyndaǵy úzdikter anyqtaldy

Fýtbol • Búgin, 08:35

Shahmatshylardyń tarıhı jetistigi

Sport • Búgin, 08:34

«Altyn taı» Aıagózdiń enshisinde

Aımaqtar • Búgin, 08:32

Uqsas jańalyqtar