Lut Álshekenov 1966 jyly Astrahan oblysy Krasnoıar aýdany Qaraózek aýylynda dúnıege kelgen.
Bilimi:
1987 jyly - Sýmy joǵary artıllerııalyq komandalyq mektebi;
1998 jyly - Mıhaılovskıı artıllerııa akademııasy;
2010 jyly - Belarýs Respýblıkasy Áskerı akademııasynyń Bas shtabynyń fakýlteti.
Eńbek joly:
Lut Álshekenov óziniń áskerı qyzmetin Germanııadaǵy Keńes áskerleri tobynda bastady, onda artıllerııalyq vzvod komandırinen artıllerııalyq batareıa komandırine deıingi laýazymdardan ótti.
Odan ári Semeıde túrli komandalyq laýazymdarda, onyń ishinde brıgada komandıri laýazymynda, Taraz jáne Atyraý qalalarynda – óńirlik qolbasshylyq áskerleri qolbasshysynyń otpen zaqymdaý jónindegi orynbasary, Nur-Sultanda Zymyran áskerleri men artıllerııa qolbasshysy – Qurlyq áskerleri Bas qolbasshysynyń otpen zaqymdaý jónindegi orynbasary jáne Qazaqstan Respýblıkasynyń Tuńǵysh Prezıdenti – Elbasy atyndaǵy ýnıversıtet bastyǵynyń orynbasary, Qurlyq áskerleri shtab bastyǵy laýazymdarynda áskerı qyzmet atqardy.
2020 jylǵy naýryzdan bastap - Qazaqstan Respýblıkasy Qorǵanys mınıstrligi Kadrlar departamentiniń bastyǵy bolyp jumys istedi.
Ol, sondaı-aq II dárejeli «Dańq» ordenimen, mereıtoılyq medaldarmen jáne minsiz qyzmeti úshin medaldarmen marapattalǵan.
