«Kásipkerlik qyzmetti júzege asyrý máseleleriniń biri - qolaısyz rettegish júıe jáne shekten tys ákimshilik júkteme. Bul máseleni sheshý úshin 2021 jylǵy 30 jeltoqsanda Memleket basshysy Qazaqstan Respýblıkasynda kásipkerlik qyzmet salasynda jańa retteýshilik saıasatty engizý máseleleri jónindegi zańǵa qol qoıdy», dedi T. Jaqsylyqov.
«1-kezeń – 2022 jyldyń birinshi jartyjyldyǵynda saýda qyzmeti, kólik, aýyl sharýashylyǵy, qoǵamdyq tamaqtandyrý salalaryna qoıylatyn talaptardy qaıta qaraý. Atalǵan salalarda shaǵyn jáne orta kásipkerlik sýbektilerin qamtý shamamen 60%-dy quraıdy. 2-kezeń – 2022 jyldyń ekinshi jartyjyldyǵynda jáne 2023 jyly densaýlyq saqtaý, qurylys, ónerkásip jáne basqa da salalardaǵy bızneske qoıylatyn talaptardy qaıta qaraý qamtamasyz etiledi. Osylaısha, kásipkerlik salasyndaǵy mindetti talaptar tizilimi qalyptastyrylyp, ol bıznes ortaǵa teris áser etetin talaptarǵa qatysty «Retteýshi gılotına» ádisin qoldanýǵa múmkindik beredi», dep túsindirdi vıse-mınıstr.
Sondaı-aq ol memlekettik baqylaýdy avtomattandyrý arqyly quqyq buzýshylyqtardyń aldyn alýǵa kóshý kózdelip otyrǵanyn aıtty.
«Kásipkerlik qyzmetti retteýdegi jańa tásilderdi iske asyrý bızneske júktemeni túbegeıli azaıtýǵa jáne iskerlik belsendilikti damytýǵa serpin berýge múmkindik beredi», dedi Ulttyq ekonomıka birinshi vıse-mınıstri.
