Kezdesý barysynda elshi Qos Kıeniń Saqshysy Korol Salman ben Ábdelazız Ál Saýdtyń atyna joldaǵan Qazaqstan Prezıdenti Qasym-Jomart Toqaevtyń 2022 jyldyń kúzinde Nur-Sultan qalasynda ótetin Álemdik jáne dástúrli dinder lıderleriniń VII sezine jáne AО́SShK-niń 6-shy Sammıtine shaqyrýlaryn tabys etti.
Qazaqstandyq dıplomat kópultty jáne kópkonfessııaly qoǵamda beıbitshilik pen kelisimdi saqtaýdaǵy elimizdiń tájirıbesi týraly baıandap, Saýd Arabııasynyń sezd ıdeıalaryn ilgeriletýge qosqan úlesin atap ótti. Sonymen qatar ol Qazaqstannyń AО́SShK-tegi tóraǵalyǵy sheńberinde atqarylyp jatqan is-sharalar jóninde jáne Azııada beıbitshilikti, qaýipsizdik pen turaqtylyqty qamtamasyz etýge baǵyttalǵan osy dıalog alańynyń óńirlik yntymaqtastyqty nyǵaıtýdaǵy róli týraly aqparatty jetkizdi.
Osy rette B. Aryn AО́SShK Sammıtine mártebeli qonaqtar retinde alǵash ret shaqyrylǵan Koroldik ókilderiniń qatysýy yntymaqtastyq geografııasyn jáne kópjaqty ózara is-qımyl formatyn keńeıtýge jańa múmkindikter beretinin atap ótti.
Sonymen qatar taraptar ekijaqty yntymaqtastyqtyń kún tártibindegi birqatar máseleni qarastyryp, ózara qyzyǵýshylyq týdyratyn halyqaralyq problemalar boıynsha pikir almasty.
Kezdesý qorytyndysy boıynsha dıplomattar eki el arasyndaǵy dostyq qatynastardy damytý jáne nyǵaıtý maqsatynda birlesken kúsh-jigerdi jalǵastyrýǵa kelisti.
