«Biz bıyl alǵash ret joǵary bilim deńgeıinde «Qoldanbaly bakalavrıatty» pılottyq rejımde engizgeli otyrmyz. Bul 2-2,5 jyldaı qysqa merzimde praktık maman daıarlap shyǵarýǵa múmkindik beredi. Olar osy qysqa merzimde bilim alyp, jumysqa tura alady. Qajettilik bolsa, ári qaraı oqý ornyna kelip, bilimin jalǵastyryp, tolyqqandy bakalavr dárejesin ala alady», dedi Bilim jáne ǵylym mınıstri Úkimettiń búgingi otyrysynda.
Onyń aıtýynsha, bakalavr deńgeıi ádettegideı 4 jyl bolyp qalady. Bul pılottyq jobadan naryq qysqa merzim ishinde tájirıbege baǵyttalǵan mamandardy alady. Pılottyq joba bıyl qyrkúıek aıynda iske qosylady.
Mınıstrdiń málimetinshe, oqý aqysy boıynsha sheshimdi árbir JOO derbes qabyldaıdy.
«О́mir boıy oqý qaǵıdasy» sheńberinde biz formaldy emes bilim berý nátıjelerin tanýǵa, mıkrokvalıfıkasııalar alýǵa múmkindik beremiz. Mysaly talapkerdiń IELTS 7,0 sertıfkaty bolsa, JOO-da oǵan aǵylshyn tilin oqý qajettiligi bolmaıdy. Mysaly ol Coursera sekildi qashyqtan oqytatyn júıelerde bilim alsa, ýnıversıtette sol baǵdarlama boıynsha qaıta oqyp júrmeıdi. Munyń bári eskeriledi», dedi Ashat Aımaǵambetov.
